«Астана» Чемпиондар лигасының ІІІ іріктеу кезеңінде Польша чемпионы «Легиямен» кездесетін болды. «Легия» ІІ іріктеу кезеңінде Финляндия чемпионы «Мариехамн» командасын жалпы 9:0 (3:0, 6:0) есебімен жеңді.
2003 жылдан бері еурокубоктарда Қазақстан мен Польша командалары 6 рет кездесті. Екі рет – отандастарымыз, 4 рет поляктар келесі кезеңдерге жолдама алды:
1. 22-29.06.2003 ж. Интертото кубогы. І кезең. «Тобыл» – «Полония» (Варшава) – 3:0 (Мазбаев, 23, 72, Шкурин, 50), 2:1 (Мұқанов, 74, Жұмасқалиев, 90+3)
2. 16-30.08,20017 ж. УЕФА кубогы. ІІ іріктеу кезеңі. «Тобыл» – «Дискоболия» (Гродзиск) – 0:1 (Мушалик, 4), 0:2 (Сикора, 5, 20)
3. 01-08.07.2010. Еуропа лигасы. І іріктеу кезеңі. «Шахтер» – «Рух» (Хожув) – 1:2 (Джидич, 7 – Яношка, 45+1, Гжиб, 48-пенальтиден), 0:1 (Собех, 59)
4. 30.06-07.07.2011 ж. Еуропа лигасы. І іріктеу кезеңі. «Ертіс» – «Ягеллония» (Бялысток) – 0:1 (Франковси, 80), 2:0 (Кулибали, 37, Мальцев, 43)
5. 05-12.07.2012 ж. Еуропа лигасы. І іріктеу кезеңі. «Жетісу» – «Лех» (Познань) – 0:2 (Муравски, 61, Ловренчикс, 65), 1:1 (Мұжықов, 44 – Слюсарский, 13)
6. 24-28.08.2014 ж. Еуропа лигасы. Плей-офф. «Ақтөбе» – «Легия» – 0:1 (Дуда, 48), 2:0 (Кухарчик, 26, Врдоляк, 66-пенальтиден)
Ескерту: үсті сызылып көрсетілген нәтиже – Қазақстан командаларының өз алаңдарындағы ойын есебі.
Байқағандарыңыздай, «Легия» 2014 жылы «Ақтөбені» Еуропа лигасының топтық турнирінен қақты. Демек, біздің елге биыл екінші рет сапар шегеді.
Польша командаларына қарсы ең көп ойын өткізген футболшы – Д.Мұқанов. Ол «Тобыл» сапында – «Полония» және «Дискоболия» командаларына, «Жетісу» сапындағы «Лех» командасына қарсы 6 ойынға қатысты, 1 гол соқты.
Жалпы 12 кездесуде поляк клубтары біздің командалаларды 8 рет ұтты, 1 ойын тең аяқталды, 3 кездесуде отандастарымыз басым түсті. Доп айырмасы – поляктар пайдасына 14:9.
Қазіргі қарсылас «Легия» командасы 1916 жылы құрылған (101 жыл). Польшаның 12 дүркін чемпионы, Польша кубогының 18 дүркін иегері, Польша суперкубогының 3 дүркін иегері, Интертото кубогының жеңімпазы (1967).
Еурокубоктардағы ең жоғары нәтижесі:
Еуропа чемпиондар кубогының жартылай финалисі (1970)
УЕФА Кубок иелері кубогының жартылай финалисі (1991)
УЕФА рейтингінде 74 орында тұр.
2016-17 маусымында «Легия» Чемпиондар лигасының F тобында ойнады. «Реалдан» – 1 ұпай (1:5, 3:3), «Боруссиядан» Д – 0 ұпай (0:6, 4:8), «Спортингтен» 3 ұпай (0:2, 1:0) алып, өз тобында 4 ұпаймен Еуропа лигасына өтті. 1/16 финалда болашақ финалист «Аяксқа» жол берді – 0:0, 0:1.
«Атырау» командасының шабуылшысы Владимир Двалишвили 2012-2013 жылдары – «Полонияда», 2013-2014 жылдары «Легияда» ойнады.