2017 жылғы футбол маусымының қорытындыларын жариялауды жалғастырамыз.
Хет-триктер
Биыл 6 футболшы хет-трик жасады:
| № | Футболшы | Матч | Күн | Тур | Минут | Уақыт | Қақпашы |
| 1. | Алексей Щеткин («Тобыл) | «Тобыл» — «Атырау» — 3:0 | 08.03.2017 | 1 | 14, 58, 64 | 51 | А.Пасеченко |
| 2. | Жерар Гоу («Қайрат») | «Шахтер» — «Қайрат» — 1:4 | 08.04.2017 | 5 | 17, 19, 65 | 49 | И.Шацкий |
| 3. | Жуниор Кабананга («Астана») | «Астана» — «Шахтер» — 4:1 | 28.05.2017 | 14 | 10, 19, 56 | 47 | И.Шацкий |
| 4. | Милан Стоянович («Шахтер») | «Тараз» — «Шахтер» — 2:3 | 21.10.2017 | 31 | 50-п, 76, 78 | 29 | Ж.Бабаханов |
| 5. | Егон Вух («Тобыл») | «Тобыл» — «Оқжетпес» — 4:1 | 21.10.2017 | 31 | 15, 32, 74 | 60 | Р.Әбіжанов |
| 6. | Преслав Йорданов («Ордабасы») | «Ордабасы» — «Оқжетпес» — 3:2 | 05.11.2017 | 33 | 51, 80, 87 | 37 | М.Голубничий |
Кестеде назар аударатын мынадай мәліметтер бар:
1. Маусымда жасалған 6 хет-триктің үшеуіне «Шахтердің» қатысы бар. Кеншілер қақпасына 2 хет-трик енгізілді, ал қарағандылықтардың өздері (М.Стоянович) 1 хет-трик жасады.
2. «Шахтер» мен «Оқжетпес» қақпасына 2 хет-триктен енгізілді. Қарағандылық И.Шацкий 2 рет бір ойыншыдан «таяқ жесе», көкшетаулықтардан Р.Әбіжанов пен М.Голубничий қақпаны хет-триктен аман сақтай алмады.
3. М.Стоянович («Шахтер») — биылғы ең жылдам хет-трик авторы (29 минут).
4. П.Йорданов («Ордабасы») биылғы маусымда хет-трик жасаған жалғыз джокер. Ол «Ордабасы» — «Оқжетпес» кездесуінде алаңға 46 минутта шыққан еді.
5. А.Щеткин («Тобыл») биыл өзінің футболдағы тұңғыш хет-тригін жасады.
6. Ж.Кабананга («Астана») елордалықтар сапындағы алғашқы хет-тригін биыл соқты.
7. Қазақстанда өткізген 3,5 маусымында котдивуарлық шабуылшы Жерар Гоу 4 хет-трик жасады (2014 — 1, 2015 — 2, 2017 — 1).
8. М.Стоянович пен П.Йордановтың хет-триктерінің маңызы өте жоғары: олар өз командалары 0:2 есеюімен жеңіліп жатқанда 3 голдан соғып, жеңісті жұлып алды.
9. «Тобыл» ойыншылары биыл 2 хет-трик (А.Щеткин мен Е.Вух) жасады. Басқа командаларда мұндай нәтижелілік жоқ.
10. Биылғы хет-триктердің бесеуі — «тап-таза», яғни бір матчтағы 3 голды да мергендер ойын жағдайында соқты. Стоянович қана «Тараз» қақпасына алғашқы голын пенальтиден енгізді.
Соңғы 10 жылғы нәтижемен салыстырсақ, биылғы 6 хет-трик кестеде екінші-үшінші орындарды бөліседі:
1. 2009 жыл — 9 хет-трик
2-3. 2015, 2017 — 6
4-5. 2012, 2014 — 4
6-7. 2008, 2016 — 3
8-9. 2010, 2011 — 2
10. 2013 — 0