2017 жылдың үздік джокері — Бауыржан Тұрысбек

2017 жылғы маусым қорытындысы бойынша «Статспорт» порталы топтама материалдарды жалғастырады. Бұған дейін үздіксіз мергендік танытқан футболшылар туралы материал жариялаған едік.

Бүгінгі сөз — джокерлер жайлы.

Биыл премьер-лигада 198 ойын өтіп, 488 доп қақпаларға енді. Әр ойынға шамамен 2,46 доптан келеді.

Осы 488 голдың 60-ын (12,3%) джокерлер, яғни ойынға матч барысында командаластарын алмастырып шыққан футболшылар соқты.

Қосалқы ойыншылары ең көп көзге түскен команда — «Қайрат». Алматылықтардың 7 футболшысы 12 ойында алаңға жолшыбай шығып, 13 гол енгізді. Осы 13 джокер-доптың төртеуі — жеңіс голы, біреуі — тең нәтиже әкелген гол, сегізі — жеңісті нықтай түскен дәл соққылар.

2017 жылғы үздік джокерлер көрсеткіші:

Байқап отырғандарыңыздай, «Ертісте» джокерлер жоққа тән. Керекуліктер 6 турдағы «Ертіс» — «Тараз» (5:2) кездесуінде ғана қос джокерлік гол соқты, одан кейін ойынға ортадан қосылған футболшыларының мергендігін көрген жоқ.

2017 жылдың ең үздік джокері, сөз жоқ — Бауыржан Тұрысбек («Қайрат»). Ол биыл «Қайрат» сапында 14 матч өткізіп, 5 гол авторы атанды. Ең қызығы, осы 5 допты да Бауыржан джокер ретінде соқты.

Оның 5 джокерлік голының:
3-і — «Қайратқа» жеңіс сыйлады;
1-і — тең нәтижеге қол жеткізді;
1-і — жеңісті нықтай түсті.

Сонда Б.Тұрысбек биыл «Қайрат» қоржынына бір өзі 10 ұпай салды десек артық емес.

Өкініштісі, «Қайраттың» жаңа бас бапкері К.Алос Феррер Бауыржанға үшінші айналымда көп мүмкіндік берген жоқ.

Бұдан бөлек, Б.Тұрысбек биыл Қазақстан құрамасы сапында соққан 2 голының 1-ін джокер ретінде Румыния қақпасына енгізді (Румыния — Қазақстан — 3:1. Б.Тұрысбек А.Тағыбергеннің орнына алаңға 65 минутта соғып, 82 минутта есеп айырмасын қысқартты).

Сонда Тұрысбектің биылғы маусымдағы 7 дәл соққысының 6-ы — джокерлік болып саналады!

Премьер-лигада И.Зенькович те («Ақтөбе») джокерлік 5 голмен көзге түсті. Бірақ оның дәл соққыларының сапа көрсеткіші Тұрысбектікінен төмендеу:
Жеңіс голы — 0
Жеңісті нықтай түскен гол — 1
Есепті теңестірген гол — 2
Есеп айырмасын қысқартқан гол — 2

Яғни Зеньковичтің 5 джокерлік голының 1-і ғана тең ұпайға жол ашқан.

Зенькович голдарының ерекшелігі — оның джокер ретінде «дубль» жасауы («Ақжайық» — «Ақтөбе» — 2:2).

Дегенмен биыл алаңға ІІ таймда шығып, «хет-трик» жасап қана қоймай, қарсыластан жеңісті жұлып алған джокер де бар. Ол — «ордабасылық» П.Йорданов. Болгар мергені соңғы турда «Оқжетпес» қақпасын 3 рет таңбалап, 0:2 есебін 3:2-ге өзгертті.

Биылғы джокерлік голдар кестесі:

Б.Тұрысбектің 2017 жылғы джокерлік голдары: