«Астана» командасының және Қазақстан құрамасының шабуылшысы Таңат Нөсербаев елордалық клубтан кететін болды. «Астана» ФК бас менеджері Саян Хамитжанов шабуылшыға рахмет айта келе, оның команда жетістігіне қосқан үлесіне де ерекше тоқталыпты.

«Астана» сапында Нөсербаев қандай жетістіктерге жетті?

Қазақстанның 3 дүркін чемпионы атанды (2014-2016).
2 рет Қазақстан кубогын жеңіп алды (2012, 2016).
2 рет Қазақстан суперкубогын жеңіп алды (2011, 2015).
Чемпиондар лигасының (2015), Еуропа лигасының (2016) топтық турнирлерінде ойнады.

Нөсербаевтың «Астана» сапындағы статистикалық көрсеткіші мынадай:

№МаусымПЛГолҚК/СКГолЕКГолҰҚГолБарлығы
1.201125710——2028-7
2.2012261061——5037-10
3.201324621201029-7
4.201426641835143-11
5.2015251130804040-11
6.201625642601036-8
  15146205243181213-55
Ескерту: ПЛ – премьер-лига, ҚК/СК – Қазақстан кубогы/Суперкубогы, ЕК – еурокубоктар, ҰҚ – ұлттық құрама

Бір қарағанда, 213 ойындағы 55 гол аса көп болып көрінбеуі де мүмкін. Нөсербаев таза шабуылшы емес, көбінше шабуылға дем беруші болып ойнағанын ұмытпауымыз керек. Дегенмен оның 55 голы да «Астана» үшін аса маңызды. Неге?

а) Осы 55 голдың 22-сі – жеңіс голы. Яғни, Нөсербаев алты жылда тура соққысымен «Астанаға» 66 ұпай әперді деуімізге болады;
ә) Таңат 22 матчта есеп ашқан. Бұл да тамаша көрсеткіш;
б) Матч барысында 8 рет есепті теңестірген;
в) Нөсербаевтың 5 голы ойынның тең нәтижемен аяқталуына қызмет еткен;
г) Таңат матч барысында 9 гол соғып, «Астананың» есеп айырмасын ұлғайта түскен.

Осы 55 голдың:
— 36-сы – оң аяқпен,
— 10-ы – баспен,
— 7-і – сол аяқпен,
— 2-і кеудемен соғылған!

Осы 55 голдың:
— 37-сін Нөсербаев «Астана-Арена» стадионында енгізген. 2014 жылдың 5 шілдесінен 2015 жылдың 16 мамырына дейінгі 10 голын Таңат тек осы кешенде соғыпты;
— 3 голды – Алматының Орталық стадионында;
— 2 голдан – Шымкентте, Павлодарда және Қарағандыда;
— 1 голдан тағы 8 стадионда соққан.

«Астана» сапында Таңат Нөсербаев өзінің спорттық ғұмырындағы 16-70 аралығындағы доптарын енгізген.