Орта салмақта бірнеше нұсқа бойынша әлем чемпионы Геннадий Головкин өзінің WBA нұсқасы бойынша әлем чемпионы атағын он сегізінші (18) рет сәтті қорғады. Сөйтіп, ол Бернард Хопкинстің рекордына біртабан жақындады.
1995-2005 жылдар аралығында Б.Хопкинс өзінің чемпион атағын 20 рет қорғаған еді. Енді екі қарсыласына есе жібермесе, Головкин даңқты америкалық боксшының рекордын қайталайды.
Бұл күнді Хопкинстің өзі де асыға күтіп жүр. «Головкин менің рекордымды бұзған күні қасында болсам деймін» деді ол.
Негізі, GGG орта салмақтағв WBA чемпионы атағын осы жолы 19 рет қорғауға тиіс еді. Алайда WBA Головкиннің өткен жылғы Келл Брукпен жекпе-жегін салмақ дәрежелерінің сәйкеспейтіндігінен есепке алмады.
Альвареспен кездесуде отандасымыз IBF нұсқасы бойынша чемпион атағын — төртінші рет, WBC нұсқасы бойынша чемпиондығын 3 рет сәтті қорғады.