Еуропа лигасы
Топтық турнир. ІІІ тур. 19 қазан
«Астана» — «Маккаби» (Тель-Авив, Израиль) — 4:0 (Твумаси, 33-пенальтиден, 42, Кабананга, 47, 52)
«Астана» командасының шабуылшысы Патрик Твумаси бұл ойында қос доп соғып, Қазақстан клубтарының еурокубоктардағы бас мергеніне айналды. Бұған дейін «Қайраттың» шабуылшысы Жерар Гоу 11 дəл соққымен көш басында тұрған-ды.
Қос шабуылшының мергендік егесі 2015 жылы басталды. Биылғы маусым алдында Гоу еншісінде — 6, Твумасиде 5 гол бар еді. Биыл «Қайрат» еурокубокта 4 кездесу өткізіп, Гоу 4 гол соқты. Сөйтіп, Қазақстан клубтарының еурокубоктардағы бас мергені Самат Сымақовтан (8 гол) озды. Дегенмен «Қайрат» екінші іріктеу кезеңінен өте алмады, Гоу өз көрсеткішін жаңарта алмайтын болды. Осы мүмкіндікті сәтті пайдаланып, Твумаси Гоуды да артта қалдырды.
2015 жыл
Ж.Гоу («Қайрат») — 4 гол («Црвена Звезда» — 1, «Алашкерт» — 2, «Абердин» — 1)
П.Твумаси («Астана») — 4 («Марибор» — 1, ХИК -1, «Бенфика» — 1, «Галатасарай» — 1)
2016 жыл
Ж.Гоу — 3 («Теута» — 2, Маккаби Т-А — 1)
П.Твумаси — 1 (БАТЭ — 1)
2017 жыл
Ж.Гоу — 4 («Атлантас» — 3, «Скендербеу» — 1)
П.Твумаси — 7 («Спартакс» — 2, «Легия» — 1, «Селтик» — 2, «Маккаби» Т-А — 2)
«Маккаби» қақпасына дубль жасап, Твумаси бұл көрсеткіш бойынша да Гоуды қуып жетті. Енді екеуінде де еурокубоктарда 2 дубльден бар.
П.Твумаси бір маусымда еурокубоктарда ең көп доп соққан футболшылардың көшінде де алға шықты (7 гол). Биыл «Астана» әлі 3 рет еурокубок ойынын өткізеді. Демек, Патрик өз рекордын әлі жаңарта алады.
