Еуропа лигасы. ІІ іріктеу кезеңі
Қарымта матч
«Црвена Звезда» (Сербия) — «Ертіс» — 2:0 (Дональд, 10, Срнич, 77)
«Ертіс» командасы сырт алаңда «Црвена Звездадан» жеңіліп, биылғы еуросапарын аяқтады. Палодарлықтар 5 рет еурокубоктарға қатысса, соның екеуінде алғашқы айналымнан аса алмады, 3 рет екінші кезеңде іркілді.
Ал «Црвен Звезда» Қазақстан командаларымен 3 рет кездесті. Бұған дейін 1 рет өзі ұтып, 1 рет біздің командаларға жол берсе, биыл қайтадан таразы басын өзіне аударып отыр.
15-29.08.2002 ж. УЕФА кубогы. І іріктеу кезеңі. «Қайрат» — «Црвена Звезда» — 0:2 (Богданович, 43, Мрджа, 66), 0:3 (Гвозденович, 19, Пьянович, 44, Кривокапич, 73)
02-09.07.2015 ж. Еуропа лигасы. І іріктеу кезеңі. «Қайрат» — «Црвена Звезда» — 2:0 (Гоу, 45, Қуантаев, 64), 2:1 (Исламхан, 29, Гоу, 47 — Савичевич, 85-пенальтиден)
13-20.07.2017 ж. Еуропа лигасы. ІІ іріктеу кезеңі. «Ертіс» — «Црвена Звезда» — 1:1 (Живкович, 90+3-пенальтиден — Боакье, 51-пенальтиден), 0:2 (Дональд, 10, Срнич, 77)
Ескерту: үсті сызылып көрсетілген нәтижелер — Қазақстан командаларының өз алаңында өткізген кездесулері.
Ал Қазақстан мен Сербия клубтарының еурокубоктардағы текетіресінде сербиялықтар 3:2 есебімен алға шықты. «Црвена Звезда» екі рет Қазақстан командаларын жолда қалдырса, 2016 жылы «Чукарички» «Ордабасыны» Еуропа лигасының І кезеңінде ұтты. Ал Қазақстан еншісіндегі екі басымдық»Қайрат» пен «Ордабасы» еншісінде. «Қайрат» — 2015 жылы «Црвена Звезданы», «Ордабасы» 2012 жылы «Ягодинаны» келесі кезеңге жібермеді.