2018 жылғы әлем чемпионатына іріктеу. Е тобы
Қазақстан — Дания — 1:3 (Қуат, 76, Йоргенсен, 27, Эриксен, 51-пенальтиден, Дольберг, 81)
Қазақстан құрамасы оныншы рет 1:3 есебімен қарсыласына есе жіберіп отыр. Бұл серия 2000 жылдың 2 сәуірінде басталған еді. Азия кубогына іріктеу кездесуі аясында отандастарымыз Доһа қаласындағы «әл-Араби Спортс Клаб» стадионында Қатар құрамасынан осы есеппен ұтылды. Одан кейін әр жылдары Латвия, Грекия, Польша, Украина, Ирландия, Голландия, Түркия, Кипр құрамаларынан осы есеппен жеңілді.
1:3 есебімен Қазақстан құрамасы 2 рет — өз алаңында, 8 рет сырт алаңда ұтылды.
Биыл Қазақстан құрамасы 1:3 есебімен екі қарсыласынан жеңілді: 22.03.2017 — Кипр, 10.06.2017 — Дания.
Жалпы, Қазақстан құрамасы тарихында ең жиі кездесетін есеп — 1:2. Отандастарымыз қарсыластарына 21 рет осы есеппен есе жіберді.