Алматыда Қазақстан Суперкубогы үшін өткен «Астана» — «Қайрат» матчында жартылай қорғаушы Исламбек Қуат тамаша көрсеткішке қол жеткізді. Ол ойынның соңғы секундтарында «Қайраттың» басымдығын үстеп, есепті 2:0-ге жеткізді. Бұл гол оның алтыншы турнирде енгізген добы болып саналады.
Исламбек өзінің жоғары деңгейде соққан голдарының санын 15-ке жеткізді. Бір қарағанда аса жоғары нәтиже болып көрінбегенмен, бұл голдар әртүрлілігімен құнды.
Қуат 8 голды — Қазақстан премьер-лигасында, 2 голды — Қазақстан кубогында, 2 голды — ұлттық құрама сапында, 2 голды еурокубоктарда енгізген-ді. Енді оған суперкубок голын да қосып отыр. Ол Қазақстан жастар құрамасында да нәтижелі ойын көрсеткен. Бірақ ол доптар жоғары деңгейлі тура соққылар санатына енбейді.
И.Қуаттан басқа, өздері қатысқан барлық турнирлерде гол соққан ойыншылар Қазақстанда тым аз. Ең алғаш мұндай жетістікке 2013 жылы Сергей Остапенко («Астана») мен Жамбыл Көкеев («Шахтер») қол жеткізді. «Астана-Аренада» өткен кездесуде «Шахтер» «Астананы» 3:2 есебімен ұтты, сол матчта Остапенко мен Көкеев көзге түсіп, ресми 5 санатта гол соққан алғашқы қазақстандық футболшылар саналды. Ал өткен жылы Қазақстан құрамасының сапында алғаш рет мергендік танытқан Мақсат Байжанов та әмбебап мерген санатына енді. 2013 жылғы Суперкубокта ол да Көкеев, Остапенколармен бірге көзге түскен болатын.
Қазақстандағы әмбебап мергендер кестесі мынадай:
| № | Футболшы | ПЛ | ҚК | СК | ҰҚ | ЕК | Барлығы |
| 1. | Сергей Остапенко | 47 | 8 | 1 | 6 | 1 | 63 |
| 2. | Жамбыл Көкеев | 33 | 4 | 1 | 2 | 2 | 42 |
| 3. | Мақсат Байжанов | 37 | 2 | 1 | 1 | 1 | 42 |
| 4. | Исламбек Қуат | 8 | 2 | 1 | 2 | 2 | 15 |
Ескерту: ПЛ – премьер-лига, ҚК – Қазақстан кубогы, СК – Қазақстан Суперкубогы, ҰҚ – ұлттық құрама, ЕК – еурокубоктар.
Егер осы футболшылардың кез келгені шетел асып, сонда гол соғатын болса, бұл тізім аясы кеңи түседі.
О.Литвиненко, Н.Мазбаев, В.Зубарев сияқты танымал мергендер кезінде Суперкубок ойыны бір рет қана өткізілді. Сол матчта А.Мирошниченко көзге түскенмен, оның ұлттық құрама сапында соққан голы жоқ. Оның үстіне, Мирошниченко Ресей премьер-лигасында да («Лада», Тольятти) өнер көрсеткенмен, мергендік таныта алмады.
Исламбек Қуаттың 6 турнирдегі голдарынан үзінділер:
1. Жастар құрамасы сапында:
2. Қазақстан ұлттық құрамасы сапында:
3. Қазақстан премьер-лигасында:
4. Қазақстан кубогында:
5. Еурокубоктарда:
6. Қазақстан суперкубогында: