Ілияс Сәрсенбай
Кәсіпқой боксшы Әли Ахмедов жақында 7-жеңісіне қол жеткізіп, алғашқы чемпиондық белбеуін иеленді.
Қысқаша анықтама:
Аты-жөні: Әли Ахмедов (кәсіпқой боксшы)
Туған күні: 16.07.1995.
Туған жері: Алматы, Қазақстан.
Бапкері: Сағатбек Мұсаханов.
Кәсіпқой бокстағы дебюті: 14.05.2016.
Кәсіпқой бокстағы көрсеткіші: 7-0-0, 5КО.
Лақап аты: «АА».
Жетістіктері: Бокстан Қазақстанның спорт шебері. Студенттер арасында әлем (Тайланд), Азия (Тәжікстан) және Универсиада чемпионы.
Әли АҚШ-та өткен бокс кешінде жергілікті Кент Холландты (4-1-1, 2КО) алғашқы раундтың 1:37 секундында нокаутпен жеңді. Осылайша, 7 сәуірде IBO International тұжырымы бойынша чемпион атанған Батыржан Жүкембаевтан кейін бірінші болып WBC-NABF титулын қанжығалады. Бұл – Солтүстік Американың аймақтық чемпиондық белдігі (1969 жылы құрылған). Бүкіләлемдік бокс кеңесінің (WBC) құрамына кіреді.
Әли Ахмедовтың кәсіпқойлар арасындағы кездесулері:
| № | Қарсыласы | Азаматтығы | Өткен жері, күні | Жеңіс |
| 1 | Сергей Крапшило (4-12-2, 3КО) | Беларусь | Алматы, 14 мамыр | 1-раунд (нокаут) |
| 2 | Ғалымжан Қонаев (0-0-1) | Қазақстан | Алматы, 27 тамыз | 2-раунд(тех. нок) |
| 3 | Минди Нозадзе (18-9-0, 11КО) | Грузия | Алматы, 24 қыркүйек | 1-раунд (нокаут) |
| 4 | Али Махмедов (10-2-0, 2КО) | Әзірбайжан | Алматы, 29 қазан | 1-раунд (нокаут) |
| 5 | Владимир Харкович (2-6-1, 2КО) | Беларусь | Польша, 9 желтоқсан | ұпай санымен |
| 6 | Патрик Менди (17-12-1, 1КО) | Гамбия | Польша, 11 наурыз | ұпай санымен |
| 7 | Кент Холланд (4-1-1, 2КО) | АҚШ | АҚШ, 30 маусым | 1-раунд (нокаут) |
Сонымен қатар, әуесқой бокста студенттер арасындағы Тайландта өткен әлем және Тәжікстанда ұйымдастырылған Азия чемпионаттарында жеңімпаз атанды.
Студенттер арасындағы әлем біріншілігі. Тайланд. 81 келі
| Кезең | Қарсыласы | Азаматтығы | Жеңіс |
| 1/8 финал | Ли Битао | Қытай | 3-раунд (нокаут) |
| 1/4 финал | Вячеслав Троян | Украина | 2-раунд (нокаут) |
| 1/2 финал | Юке Смаяли | Швейцария | ұпай санымен (3:0) |
| финал | Михаил Долговелец | Беларусь | 2-раунд (нокаут) |
Әли Ахмедов – Сағатбек Мұсахановтың кәсіпқой бокстағы жоғарғы нәтиже көрсетіп жүрген шәкірті. Қазақстандық маманның қарамағында Қанат Ислам – Патрик Аллотей жекпе-жегінің андеркартында алғашқы кездесуін өткізген Жұман Жұмабеков (1-0-0, 1КО) және 2 рет шаршы алаңға көтеріліп, қос қарсыласын да жеңген Әли Болаев (2-0-0, 1КО) секілді боксшылар бар.