Қазақстан премьер-лигасы
27 тур
17 қыркүйек
«Шахтер» — «Оқжетпес» — 2:1 (Стоянович, 36-пенальтиден, Хлебоун, 76 — Бөлешев, 86-пенальтиден)
Ойын соңында енгізген голы «Оқжетпеске» жалқы ұпай сыйлай алмаса да, шабуылшы Әлібек Бөлешев бұл күні өз ғұмырындағы елеулі нәтижеге қол жеткізді: ол Қазақстан премьер-лигасындағы жүзінші голын соқты!
Бөлешев — 1992 жылдан бері бұл көрсеткішке жеткен небары сегізінші футболшы:
1. Нұрбол Жұмасқалиев («Тобыл», «Астана») — 166 гол
2. Мұрат Тілешев («Тараз», «Жеңіс», «Шахтер», «Ордабасы», Ертіс», «Ақтөбе», «Жетісу») — 148
3. Олег Литвиненко («Тараз», «Динамо», «Елім-ай», «Қайрат», «Жеңіс», «Ақтөбе») — 148
4. Нұркен Мазбаев («Тараз», «Қайсар», «Ордабасы», «Жеңіс», «Қайрат», «Тобыл») — 142
5. Андрей Мирошниченко («Ақтөбе», «Елім-ай», «Ертіс», «Қайрат») — 115
6. Ұлықбек Бақаев («Тобыл», «Жетісу», Ертіс») — 111
7. Андрей Финонченко («Шахтер») — 103
8. Әлібек Бөлешев («Жетісу», «Қайрат», «Ақтөбе», «Ордабасы», «Атырау», «Тараз», «Оқжетпес») — 100
Бөлешев премьер-лигадағы 100 голын 7 команда сапында соқты:
1. «Жетісу» — 2 гол (14 матч)
2. «Қайрат» — 77 (195)
3. «Ақтөбе» — 1 (16)
4. «Атырау» — 1 (9)
5. «Ордабасы» — 2 (10)
6. «Тараз» — 1 (11)
7. «Сұңқар» — 0 (14)
8. «Оқжетпес» — 16 (61)
100 голды ол 19 жыл ішінде 330 мачта соқты. Қазақстан кубогында Әлібек — 17, еурокубоктарда 1 гол авторы атанды. Қазақстанның мергендер көшінде ол 9-орында келеді.
Бұдан бөлек, Бөлешевтің 3 маусымда І лигада соққан 57 голы бар.