Еуропа лигасы. В тобы. Топтық турнир
«Астана» — АПОЭЛ — 2:1
Гол соққандар: Ефрем, 31 (0:1). Аничич, 59 (1:1). Деспотович, 84 (2:1)
«Астана»: Ненад Эрич, Марин Аничич, Игорь Шитов (Таңат Нөсербаев, 77), Абзал Бейсебеков, Юрий Логвиненко, Дмитрий Шомко, Неманья Максимович, Серікжан Мұжықов (Азат Нұрғалиев, 81), Рохер Каньяс, Джордже Деспотович, Жуниор Кабананга (Сергей Малый, 90+4).
АПОЭЛ: Бой Ватерман, Роберто Лаго, Карлау, Живко Миланов, Иньяки Астис, Георгиос Ефрем (Яннис Янниотас, 81), Винисиус, Нуну Мораиш, Ефстатиос Алонефтис (Костакис Артиматас, 35), Игор де Камарго ( Вандер, 63), Пиерос Сотириу.
Төреші К.Блом (Голландия)
24.11.2016 ж. «Астана-Арена» стадионы
«Олимпиакос» — «Янг Бойз» — 1:1 (Оаро, 58 — Фортунис, 48)
— «Астана» командасы еурокубоктардың топтық турнирлері тарихындағы ең алғашқы жеңісіне қол жеткізді. Елордалықтар өткен жылы Чемпиондар лигасының топтық турнирінде ойнап, 4 тең ойын, 2 жеңіліс нәтижесін көрсеткен болатын. Биыл Еуропа лигасында осыған дейін «Астана» 2 ойында тең түсіп, 2 ойында есе жіберген-ді.
— «Астана» — еурокубоктардың топтық турнирінде жеңіске жеткен алғашқы қазақстандық команда. 2013 жылы «Шахтер» (Қарағанды) Еуропа лигасында ойнап, 2 тең ойын, 4 жеңіліс нәтижесін көрсетті.
— «Астана» 2014 жылдың 3 шілдесінен бері еурокубоктар аясында өз алаңында өткізген 12 матчта жеңілмей келеді. Бұл күні елордалықтар Еуропа лигасына іріктеудің плей-офф кезеңінде «Вильярреалға» (Испания) 0:3 есебімен есе жіберген болатын. Содан бері «Астана» Чемпиондар лигасының іріктеу кезеңдері мен топтық турнирінде, Еуропа лигасының топтық турнирінде өз алаңында қонақтарды қабылдап, еш жеңілген жоқ.
— Өкінішке қарай, осы тарихи жеңіске қарамастан, «Астана» Еуропа лигасының плей-офф кезеңіне шыға алмайды. Топтағы негізгі қарсыласы «Олимпиакос» бұл турда өз алаңында «Янг Бойзбен» тең түсіп, келесі кезеңге жолдама алды. «Астана» соңғы турда «Янг Бойзды» сырт алаңда ұтса да, гректерді қуып жете алмайды. Өйткені, өзара кездесуде «Олимпитакостың» бәсі жоғары.