Қазақстан премьер-лигасы
7 тур. 16 сәуір
«Қайрат» — «Ордабасы» — 3:0 (Исламхан, 6, Гоу, 43, Иличевич, 70)
«Қайрат» капитаны Бауыржан Исламхан биылғы біріншіліктегі алғашқы голын 7-турда соғып отыр. Бұл — былтырғымен салыстырғанда 5 тур ертерек. Өткен маусымда ол алғашқы голын 12-турда «Оқжетпес» (6:0) қақпасына бірден дубльмен бастап еді. Жыл соңына дейін Исламхан тек премьер-лигада мергендік танытып, 17 гол авторы атанды, Қазақстан чемпионатының үшінші (Гоу мен Муртазаевтан кейін) үшінші мергені атанды.
Жалпы, Б.Исламхан өзінің үлкен футболдағы ең алғашқы голын 2011 жылы Қазақстан кубогының 1/16 финалында «Ақбұлақ» командасының қақпасына 13 минутта соқты. Ол кезде Бауыржан «Тараз» командасында ойнайтын. Алғашқы голы жеңіс әкелді.
Әр жылдары Б.Исламхан соққан алғашқы голдар реті мынадай:
| Матч | Мерзімі | Тур | Есеп | Минут | Қақпашы | Стадион |
| «Тараз» — «Восток» — 3:1 | 24.04.2011 | 8 | 1:0 | 26 | Д.Төлебаев | Тараз, Орталық стадион |
| «Қайсар» — «Тараз» — 1:2 | 25.03.2012 | 3 | 0:1 | 16 | К.Прядкин | Қызылорда, «Локомотив» |
| «Астана» — «Ақжайық» — 3:1 | 14.07.2013 | 19 | 3:1 | 77 | Р.Багаутдинов | Астана, «Астана-Арена» |
| «Тараз» — «Қайрат» — 2:3 | 14.06.2014 | 16 | 0:1 | 7 | Ж.Бабаханов | Тараз, Орталық стадион |
| «Қайрат» — «Тобыл» — 4:0 | 07.03.2015 | 1 | 3:0 | 56 | А.Петухов | Алматы, Орталық стадион |
| «Қайрат» — «Оқжетпес» — 6:0 | 21.05.2016 | 12 | 3:0 | 54 | С.Стаменкович | Алматы, Орталық |
| «Қайрат» — «Ордабасы» — 3:0 | 16.04.2017 | 7 | 1:0 | 6 | А.Бекбаев | Алматы, Орталық |
Б.Исламхан 2013 жылы «Кубань» (Ресей) командасына ауысып, жарты жылдан кейін «Астанаға» келді. Ол осы маусымда 1 ғана гол соқты. Соңғы 4 маусымда «Қайрат» намысын қорғап жүр.
(fckairat.kz фотосы)