30 тамыз күні Бішкекте Қырғызстан жəне Қазақстан ұлттық құрамаларының жолдастық кездесуі өтеді.
Бұл қос құраманың өзара сегізінші жолығысуы болмақ.
Алғаш рет Қырғызстан — Қазақстан кездесуі 1992 жылдың 26 қыркүйегінде Бішкек қаласында өтті. Қайрат Əубəкіровтің 6 минутта соққан голына алаң иелері 75 минутта Бондаренконың дəл соққысымен қарымта қайтарды. Жалпы, 7 матчтың нəтижелері мынадай:
1. 26.09.1992. Бішкек. Қырғызстан — Қазақстан — 1:1
2. 25.10.1992. Қызылорда. Қазақстан — Қырғызстан — 2:0
3. 17.04.1994. Ташкент. Қазақстан — Қырғызстан — 0:0
4. 05.07.2006. Алматы. Қазақстан -Қырғызстан — 1:0
5. 07.03.2007. Шымкент. Қазақстан — Қырғызстан — 2:0
6. 01.06.2012. Алматы. Қазақстан — Қырғызстан — 5:2
7. 05.09.2014. Астана. Қазақстан — Қырғызстан — 7:1
7 кездесуде Қазақстан құрамасы 5 рет жеңіске жеткен, 2 рет тең түскен. Доп айырмасы — 18:4.
Қос құрама 7 кездесуді 6 қалада өткізген. Басқа ешбір құрамамен Қазақстан осынша көп жолыққан емес. Қырғызстанмен 30 тамыздағы жолдастық кездесу отандастарымыздың 4 қыркүйектегі Польшамен ойын алдындағы дайындық болып саналады. Польшаны Астанада қабылдап, Қазақстан құрамасы 2018 жылғы əлем чемпионатының іріктеу кезеңін бастайды.