Еуропа лигасының бірінші іріктеу кезеңінде Павлодардың «Ертісі» Болгария кубогының финалисі «Дунав» командасымен кездесетін болды. 1949 жылы құрылған бұл команда өз тарихында бір-ақ рет еурокубокқа қатысты. 1974/75 жылы «Дунав» УЕФА кубогының іріктеу кезеңінде Италияның «Рома» командасымен жеңіс алмасты – 0:2, 1:0.
Болгария командалары бұған дейін біздің өкілдермен үш рет кездесіп, екі рет үстем болды. 2003 жылы «Левски» УЕФА кубогына іріктеуде «Атырауды» 4:1 және 2:0 есептерімен ойсырата ұтты. Ал 2013 жылы «Ертіс» «Левскиді» жолдан шығарды. Павлодарлықтар сырт алаңда 0:0 есебімен тең ойнап, қарымта кездесуде 2:0 есебімен жеңіске жетті.
14.08.2003 ж. «Атырау» — «Левски» — 1:4 (Ағабаев, 88 — Чиликов, 9, Г.Иванов, 13, 33, Темиле, 20)
28.08.2003 ж. «Левски» — «Атырау» — 2:0 (Ангелов, 27-пенальтиден, Телкийски, 69)
04.07.2013 ж. «Левски» — «Ертіс» — 0:0
11.07.2013 ж. «Ертіс» — «Левски» — 2:0 (Мырзаев, 6, Бақаев, 13-пенальтиден)
Ал «Ботев» командасы 2013 жылы Еуропа лигасының бірінші іріктеу кезеңінде «Астананы» 5:0 және 1:0 есептерімен артта қалдырды. Ол кезде «Ботев» тізгінін астаналықтардың қазіргі бас бапкері Станимир Стойлов ұстап тұрған болатын.
04.07.2013 ж. «Астана» — «Ботев» — 0:1 (Ирсак, 44)
11.07.2013 ж. «Ботев» — «Астана» — 5:0 (Огнянов, 54, Сакраменту Виейра, 56-пенальтиден, Неделев, 58, 75, Грнчаров, 71)
«Ертіс» те биыл алғашқы кездесуін өз алаңында 29 маусым күні өткізеді. Қарымта ойын 6 шілдеде Русе қаласында жоспарланған.