Қазақстан премьер-лигасы
10 тур. 2 мамыр
«Астана» — «Қайрат» — 1:1 (Граховац, 87 — Қуат, 34)
Бұл кездесуде «Қайраттың» сұрмергені Жерар Гоу гол соға алмады. Сөйтіп, 5 матчқа созылған нәтижелі матчтар сериясын аяқтады. Бұл серия 8 сәуір күні басталып, 29 сәуірге дейін жалғасты. 5 матчта Гоу 7 гол соқты:
1. 08.04.2017 ж. 5 тур. «Шахтер» — «Қайрат» — 1:4 (Гоу, 17-0:2, 19-0:3, 65-0:4)
2. 12.04.2017 ж. 6 тур. «Тобыл» — «Қайрат» — 2:2 (Гоу, 41-0:2)
3. 16.04.2017 ж. 7 тур. «Қайрат» — «Ордабасы» — 3:0 (Гоу, 43-2:0)
4. 23.04.2017 ж. 8 тур. «Ертіс» — «Қайрат» — 3:3 (Гоу, 5-0:1)
5. 29.04.2017 ж. 9 тур. «Қайрат» — «Ақжайық» — 4:1 (Гоу, 33-0:2)
«Қайраттықтар» биыл сериялы голдар соғудан шебер болып тұр. Б.Исламхан — 7-9 тур аралығында, И.Иличевич 6-8 тур аралығында үздіксіз 3 матчта 3 гол соқты. «Тараздық» Р.Мұхаметшин 12 наурыз-12 сәуір аралығында өзі қатысқан 3 ойында да мергендік танытты.
Қазақстан чемпионаттарында үздіксіз голдар сериясының рекорды Ж.Гоуға тиесілі. Ол 2016 жылы 21 мамырдан 3 шілдеге дейін үздіксіз 8 ойында 10 гол авторы атанды.
Екінші-үшінші орындарда — Мұрат Тілешев пен Жафар Ырысметов. М.Тілешев 2009 жылы «Ақтөбе» сапында 7 наурыздан 19 сәуірге дейін 6 ойында 7 гол соқты, ал Ж.Ырысметов 2006 жылы «Алматы» командасының құрамында 10 қыркүйек-21 қазан аралығында 6 ойында үздіксіз қарсыластар қақпасын дәл көздеді. Бұл рекорд туралы сайтымыздағы мына материалдан оқи аласыздар.
(fca.kz фотосы)