Чемпиондар лигасы
Ширек финал. Бірінші матч
«Бавария» — «Реал» — 1:2 (Видаль, 25 — Криштиану Роналду, 47, 77)
Криштиану Роналду бұл матчта еурокубоктардағы 99 және 100-голдарын соқты. Сөйтіп, португал сұрмергені Еуропаның клубтық турнирлеріндегі дәл соққылар санын 100-ге жеткізген бірінші футболшы болды.
Ол алғашқы еуроголын 2005 жылдың 9 тамызында «Дебрецен» қақпасына соқты. Бұл матчта «Манчестер Юнайтед» мадиярларды 3:0 есебімен жеңген-ді.
Ең қызығы, еурокубоктардағы алғашқы 32 матчында КриРо 1 гол ғана соғыпты.
Елуінші голын 2013 жылы сәуірде «Галатасарай» қақпасына енгізді. Алғашқы 50 голды 96 ойында соқса, кейінгісіне 47 ойын жеткілікті болды.
Роналдудың 100 голы:
97 гол — Чемпиондар лигасында;
2 гол — Еуропа суперкубогында;
1 гол — Чемпиондар лигасының іріктеу кезеңінде.
УЕФА клубтық турнирлерінің мергендері (*қазіргі футболшылар):
100 — Криштиану Роналду* (143 матч)
97 — Лионель Месси* (118)
76 — Рауль Гонсалес (158)
70 — Филиппо Индзаги (114)
67 — Андрей Шевченко (142)
62 — Рууд ван Нистелрой (92)
61 — Герд Мюллер (69)
59 — Тьерри Анри (140)
59 — Хенрик Ларссон (108)
56 — Златан Ибрагимович* (136)
54 — Эйсебио (70)
53 — Алессандро Дель Пьеро (129)
51 — Кәрім Бензема* (93)
50 — Дидье Дрогба (102)
50 — Клаас-Ян Хунтелаар* (82)