On-Line: Қаратау — Қазақстан

Қаратау — Қазақстан матчына қатысатын футболшылар құрамы  белгілі болды.
Қаратау: 1.М.Божович, 6.Ж.Томашевич, 15.С.Савич, 22.М.Симич, 23.А.Марушич, 4.Н.Вукчевич, 19.А.Шекич, 7.М.Вешович, 16.Д.Кояшевич, 10.С.Йоветич, 11. Ф.Бечирай
Қазақстан: 12.С.Покатилов, 21.А.Бейсебеков, 3.А.Кислицын, 2.С.Малый, 23.Ю.Логвиненко, 18.Д.Шомко, 7.А.Мухутдинов, 5.И.Қуат, 13.А.Нұрғалиев, 9.Б.Исламхан, 20.С.Хижниченко

* Матчты қазір Италияда емделіп жатқан Ұлан Қонысбаев арнайы келіп тамашалап отыр. Ол осы матчқа арнайы келгенін, жігіттерге қолдау көрсетуге тиіс екенін айтты. 10 күннен бері алаңға шығып жаттыға бастапты. Футболға белсенді түрде келесі маусымда оралмақ.

* Бас бапкер Т.Байсуфинов бұл матчқа күтпеген сыйды көбірек әзірлепті. Ойын алдында «Айқын» газетіне жасаған болжамымызда () Қазақстанның 1-5-4-1 тактикасын ұстанатынын айтқан едік. Дәл сол нұсқаны ұстанғанымен, бас бапкер қорғаныста Кислицынды сәл оңға жылжытып, оның орнына сауыққан Логвиненконы қосыпты. Ахметов қосалқы құрамда. Ал артқы жартылай қорғаушы міндеті «тобылдық» Альмир Мухутдиновқа жүктелген. Сол қанаттан Нұрғалиев шабуылдайды. Басқа футболшылар өз орнында.
* Жергілікті жанкүйерлердің қолдауы өте жақсы. Команда құрамы айтылғанда, айғайға басып жатыр.
* Стадион шағын, әсіресе қос қақпаның тұсы жанкүйерлерге өте жақын.
* Футболшылар ортаға беттеді. Қазақ туын ұстаған жанкүйерлерді көріп, қуанып қалдық.
* Қазақстан әнұранын махаббатпен шырқадық. Біздің футболшылар І таймда алаңның оң бөлігінде ойнайтын болды.

* Басталды!
* Алғашқы минуттарда алаң иелері оң қапталдан жиі шабуыл ұйымдастырып жатыр.
* Кезінде «Астанада» ойнаған Д.Кояшевич сол қанаттан екі рет айып алаңына пас тастады. Покатилов орнынан уақтылы шығып, қағып алды.
* 5′. Б.Исламхан жалғыз ұмтылды. Қорғаушылар екеулеп жүріп тоқтатты.
* М.Божович қақпасының ту сыртындағы жанкүйерлер қаратаулықтарды қатты қолдап отыр. Дауыстары жер жарады.
* 8′. Н.Вукчевич алыстан сол аяқпен тепті. Шетке кетті.
* 9′. Ф.Бечирай сытылып шыққанмен, допқа жете алмады.
* 12′. Кислицын — Хижниченкоға, Хижниченко — Қуатқа. Исламбекттің соққысы биік ұшты.
* Мухутдинов пен Шомко жиі қателесіп жүр.
* 17′. Ж.Томашевичтің алыстан жасаған соққысымен бірге стадион бір күрсінді. Покатиловты жандәрмен секірткен соққы қақпадан қиыс кетті.
* 23′. Екі командада да қате өте көп.
* 24′. Есеп ашылды. Кислицын Кояшевичті иықпен қағып құлатты. Айып соққысын Томашевич дәл бағыттады — 1:0.
* Голдан кейін отандастарымыз сол қапталдан айып соққысын мүлде керекке жарата алған жоқ.
* Бұл — Томашевичтің ұлттық құрама сапындағы 3-голы екен.
* 32′. Алаңның ортасында 2 қаратаулық ойыншы құлады. Бечирай тұра салып «төбелес» бастап кетті. Ақыры төреші Бечирай мен Исламханға ескерту қағазын көрсетті.
* 34′. Тағы да Томашевич! Бұл жолы сол қанаттан қатты тепті, Покатилов жақтау сызыққа зорға қақты. Алаң иелерінің бұрыштан көтерген соққысы нәтижесіз.
* 37′. Кислицын ескерту алды. Ол Кояшевичті көпе-көрнеу құлатты.
* 40′. Йоветич теуіп көрді. Шетке.
* 43′. Қазақстан ұйымдастырған шабуыл сол қанаттан тұйықталды. Шомконың пасын Логвиненко түсінген жоқ.
* 45′. Төреші 1 минут қосты.
І тайм аяқталды. Құрама ойыны сүреңсізге келіңкірейді. Қаратаулықтар соншалықты басым ойнап жатқан жоқ, дегенмен біздің жігіттерде қорқақтық бар. Қорғаныстан шабуылға тез шыға алар емес. Тайм бойы Божович қақпасын екі рет нысанаға алып көрді, екеуі де мүлде биік кетті. Байсуфинов ІІ таймда бірдеңе ойлап таппаса қиын.

Үзіліс.

Командалар алаңға оралды. Екі командада да өзгеріс жоқ.
* 47′. Йоветич айып алаңының сыртынан аспанға тепті. Жанкүйерлерден қолдау күтіп қолын сермеп қояды.
* 48′. Йоветич бізді кешірді. Шетке.
* 49′. Бейсебеков оң қапталдан қатты көтерді. Доп, сірә, Албания аумағына асып кетті ғой деймін…
* 54′. Хижниченконың соққысы тым әлсіз. Доп бұрышқа кеткен сияқты еді, төреші қақпашыға берді.
* Қуат Мухутдиновқа көмектесіп, оң қанатымыз көбіне бос қалып жатыр. Қаратаудың осы тұстан Томашевичті жиі шабуылға қосып жатқанын түсінуге болады.
* 57′. Исламханның бұрыштан көтерген добы Логвиненконың басына дәл келіп еді, Юрий мүлде соға алмады. Жақсы мүмкіндік еді…
* 59′. Есеп — 2:0… Айып соққысын Н.Вукчевич баспен дәл соқты. Доп қақпа бағанасына тиіп барып, сызықтан ішке сырғыды.
* 63′. Серікжан Мұжықов Исламханның орнына шықты. Бауыржанның ойыны жүрмеді бүгін…
* 64′ 3:0… Марушич оң қанаттағының бәрін алдады, Йоветич аяғын қоя салды. Логвиненко мен Малый оянып үлгермей қалды-ау…
* 8 жыл бұрынғы есепке жеттік… 2008 жылы осы алаңда өткен жолдастық кездесуде Қаратау Қазақстанды 3:0 есебімен ұтып еді…
* 68′. Екінші гол авторы Н.Вукшевичтің орнына 20 нөмірлі Неманья Николич шықты. Жанкүйерлер Вукшевичті қатты қолдап шығарып салды.
* 73′. Бечирай — гол. 4:0… Вешович Покатиловты қақпадан алға шығарып, Бечирайдың аяғына дәл тастады. Салымыз суға кетті-ай…
* 75′. Бечирай алаңнан кетіп еді, жанкүйерлер ән айтып шығарып салды. «Бечирай-Бечирайлаған» дауыс құлағымызды тесіп, жүйкемізді жеп барады.
* 78′. Енді соқпаған Савич қалып еді… 5:0… Бұрыштан келген допты қаратаулық орталық қорғаушы қақпа төрінен бір-ақ шығарды.
* Савичтің құрметіне арналған бірнеше минут. Солтүстік трибунаның әнін батыс пен шығыс қолдап әкетті.
* 81′. Екінші таймда бірінші рет біздің жігіттер саналы шабуыл ұйымдастырып еді, Тағыберген шетке тепті. Бұдан артық қандай мүмкіндік жасап беруге болады екен, а…
* 84′. Шомконың ендігі пасын Нұрғалиев баспен шетке соқты. Хижниченкоға қалдырса нәтижелі болар еді…
* Солтүстік трибуна «Нужен гол, ей-ей!» деп жатыр… 5 гол тақияларына тар келіп жатыр ма сонда?
* 85′. Мұртазаев Хижниченконы алмастырды.
* Таблолары өте қарапайым, бірақ бәрібір алыстан 5:0 өте жаман көрінеді.