УЕФА чемпиондар лигасы
ІІ іріктеу кезеңі. Алғашқы матч
«Спартак» (Юрмала, Латвия) — «Астана» — 0:1 (Твумаси, 73)
«Астана» командасы еурокубоктарда сырт алаңдарда 13 ойынға созылған жеңіссіз серияға нүкте қойды. 2014 жылдың 28 тамызынан басталған бұл серия кезінде елордалықтар сырт алаңдарда 8 рет жеңіліп, 5 ойынды тең аяқтады.
Бұған дейін соңғы рет «Астана» 2014 жылдың 7 тамызында Сольна қаласында АИК-ті 3:0 есебімен (ЕЛ. ІІІ іріктеу кезеңі. Қарымта матч) тізе бүктірген еді.
Содан кейін «Астана» «Вильярреал» (0:4), «Марибор» (0:1), ХИК (0:0), АПОЭЛ (1:1), «Бенфика» (0:2), «Атлетико» (0:4), «Галатасарай» (1:1), «Жальгирис» (0:0), «Селтик» (1:2), БАТЭ (2:2), АПОЭЛ (1:2), «Олимпиакос» (1:4), «Янг Бойз» (0:3) командаларын қонақта ұта алмады.
Осы уақыт аралығында астаналықтар бір рет — Чемпиондар лигасының, бір рет Еуропа лигасының топтық турнирінде ойнады. Демек, серия біз үшін тым ұзаққа созылды деуімізге болады.