Қазақстан премьер-лигасы
14 тур. 27 мамыр
«Тараз» — «Тобыл» — 1:0 (Т.Байжанов, 82)
«Тараз» шабуылшысы Тимур Байжанов биылғы маусымдағы тұңғыш голын соғып, «Таразға» премьер-лигадағы 3-жеңісті сыйлады.
Байжанов соңғы рет премьер-лигадағы голын «Қайрат» сапында 2013 жылдың 19 мамырында «Ертіс» қақпасына енгізген еді. Ол алаңға 62 минутта Шестаковтың орнына шығып, арада 15 минут өткенде есеп теңестірген-ді. Алайда «Ертіс» 90+3 минутта жеңіс голын соғып, «Қайратты» ұпайсыз қайтарды.
Байжанов премьер-лигадағы 5 голының төртеуін джокер ретінде соққандығымен де ерекшеленеді. 2013 жылы ол «Қайрат» намысын қорғап, 3 гол авторы атанды. 3 голды да Байжанов ойынға екінші таймда араласып салды. Міне, енді соның қатарына «Тараз» сапындағы джокерлік голын да қосып отыр.
1. 06.04.2013 ж. 4 тур. «Тараз» — «Қайрат» — 2:1 (Байжанов, 71). Т.Байжанов 65 минутта С.Даффтың орнына шығып, 6 минуттан кейін есеп айырмасын қысқартты.
2. 05.05.2013 ж. 9 тур. «Шахтер» — «Қайрат» — 2:1 (Байжанов, 83). Т.Байжанов 70 минутта Р.Сариевті алмастырып, 13 минуттан кейін есеп айырмасын қысқартты.
3. 19.05.2013 ж. 11 тур. «Ертіс» — «Қайрат» — 2:1 (Байжанов, 77). Т.Байжанов 62 минутта К.Шестаковты алмастырып, 15 минуттан кейін есеп теңестірді. Бірақ «Қайрат» тең есепті ұстап тұра алмады).
4. 27.05.2017 ж. 14 тур. «Тараз» — «Тобыл» — 1:0 (Байжанов, 82). Т.Байжанов 76 минутта Е.Сейдахметтің орнына шығып, 6 минуттан кейін жеңіс голын енгізді).
Демек, Т.Байжановтың голы екінші рет өз командасына жеңіс әкеліп отыр. Оның 2011 жылы «Қайсар» құрамында 25 маусым күні «Ертіс» қақпасына қарымтасыз гол соғып, жеңіске жетелеген болатын.
2013 жылдан кейін Т.Байжанов «Ертіс» сапында премьер-лигада 1 ғана ойын өткізді, одан бері І лигадағы «Екібастұз», «Спартак» (Семей) және «Қызылжар» командаларында ойнады.