Ілияс Сәрсенбай
Футзалдан Қазақстан құрамасы 2018 жылы Словенияда өтетін Еуропа чемпионатының іріктеу турнирінде өз тобында көш бастап, кәрі құрлық турниріне берілетін тікелей жолдаманы жеңіп алды. «F» тобында сынға түскен Алесио шәкірттері соңғы кездесуде топтағы басты қарсыласы Чехия құрамасын ірі есеппен жеңді. Алматы төрінде өткен жарыста ұлттық құрамамыз еш ұпайды шашау шығармады. Осылайша, Италия, Ресей, Испания құрамаларымен қатар, құрлық аламанына берілетін жолдаманы қамдап алды.
Чехия – Қазақстан – 0:3
Голдар: Дуглас, 4:26, Першин, 19:01 (Лео), Дуглас, 38:00.
Чехия құрамы: Герчак, Мареш, Решетар (капитан), Сейдлер, Яновски (алғашқы бестік), Вагала, Цупак, Заруба, Грдина, Словачек, Коуделка, Дрозд, Ковач, Белей.
Қазақстан құрамасы: Игита, Лео, Есенаманов, Першин, Дуглас (алғашқы бестік), Шамро, Кнауб, Жаманқұлов, Сүлейменов (капитан), Довгань, Иманалин, Тұрсағұлов, Ақбалықов, Оразов.
Кездесу статистикасы:
| 34 | Қақпаға бағытталған соққылар | 39 |
| 10 | Дәл бағытталған соққылар | 15 |
| 1 | Маңдайшаға тиген соққылар | 3 |
| 6 | Бұрыштамалар | 6 |
| 8 | Тәртіп бұзу | 9 |
| 1 | Сары қағаз | 1 |
| 0 | Қызыл қағаз | 0 |
Ескертулер: Коуделка, 15:45 – Першин, 00:50.
Кездесу төрешісі: Герд Билуа (Бельгия).
“F” тобында үшінші орын үшін Дания – Македония құрамалары талас жүргізді. Тартысты өткен кездесуде Иван Божович шәкірттері Николай Клейн-Собюе футзалшыларынан айласын асырды.
Дания – Македония – 3:4
Голдар: Фальк, 3:56, Менгель, 16:51, Эль-Каз, 25:44 – Серфери, 12:16, Мицевски, 22:47, Петрович, 35:38.
ІІІ турдан кейінгі «F» тобындағы қорытынды турнирлік кесте:
| № | Құрама | Ойын | Жеңіс | Тең | Жеңіліс | Голдар | Ұпай |
| 1 | Қазақстан | 3 | 3 | 0 | 0 | 11-0 | 9 |
| 2 | Чехия | 3 | 2 | 0 | 1 | 12-10 | 6 |
| 3 | Македония | 3 | 1 | 0 | 2 | 7-13 | 3 |
| 4 | Дания | 3 | 0 | 0 | 0 | 7-14 | 0 |
- Қазақстан құрамасы өз тарихында екінші рет Еуропа чемпионатына жолдама алды (алғашқысы – 2016 жыл. Сербия. Белград қаласы).
- Қазақстан құрамасы өткен іріктеу турниріне қарағанда (Еуро-2016) кестеде 1 сатыға жоғарылап, 3 ұпай көп еншіледі:
| № | Құрама | Ойын | Жеңіс | Тең | Жеңіліс | Голдар | Ұпай |
| 1 | Португалия | 3 | 2 | 0 | 1 | 12-4 | 6 |
| 2 | Қазақстан | 3 | 2 | 0 | 1 | 11-7 | 6 |
| 3 | Румыния | 3 | 2 | 0 | 1 | 11-9 | 6 |
| 4 | Грузия | 3 | 0 | 0 | 3 | 1-15 | 0 |
- Игита іріктеу кезеңінің 3 ойынында 10 соққы жасады (Македония – 2 (24:39, 34:13), Дания – 2 (4:07. 9:03), Чехия – 5 (2:26, 8:23, 13:05, 25:54, 31:47)). Және әріптесіне 1 нәтижелі пас берді (Қазақстан – Дания. Дуглас, 16:36). Өткен іріктеу турнирінде (Еуро-2016) 1 гол соққан болатын (Қазақстан – Португалия 3:1. Игита, 39:06).
- Игита қақпасының кілтін 3 матч бойы ешкім таба алмады. Осылайша, ұлттық құрамадағы ресми кездесулеріндегі құрғақ ойынын 120 минут жеткізді (соңғы рет әлем чемпионатының 1/8 финалында (22.09.2016 ж) Мигелиннен (Испания) гол жіберген).
- 3 кездесуде Қазақстан 145 соққы бағыттап, оның 63-і қақпаға дәл ұшып, 34 рет бұрыштама орындаған. 3 ойыншы сары қағазбен жазаланған (бірінші ойында – Лео, Дуглас, үшінші ойында – Першин).
- 11 голдың 8-і – бірінші таймда (Македония – 2, Лео, Жаманқұлов, Дания – 4, Жаманқұлов, Лео, Першин, Дуглас, Чехия – 2, Дуглас, Першин), 3-і – екінші таймда (Македония – Ақбалықов, Дания – Сүлейменов, Чехия – Дуглас) соғылды.
- 1-10 минут аралығында – 3 гол (Жаманқұлов, Лео, Дуглас)
10-20 минут аралығында – 5 гол (Лео, Жаманқұлов, Першин (2), Дуглас)
20-30 минут аралығында – 0
30-40 минут аралығында – 3 (Ақбалықов, Сүлейменов, Дуглас).
- Құрамаға алғаш рет шақырту алған 4 жас ойыншының көрсеткіші:
| № | Аты – жөні | Матчы | Алаңдағы уақыты |
| 13 | Қайрат Иманалин | 1 | 5:06 |
| 15 | Дәурен Тұрсағұлов | 1 | 4:14 |
| 19 | Альберт Ақбалықов | 2 | 7:25 |
| 20 | Біржан Оразов | 1 | 7:52 |
- 3 кездесуде тек қосалқы қақпашы Григорий Шамро ғана алаңға шықпады.
- Қазақстан – Македония кездесуіне – 5100 жиналған.
- Қазақстан – Дания кездесуіне – 5900 жанкүйер жиналған.
- Чехия — Қазақстан матчын 8000 адам тамашалады.
Қазақстан құрамасы, 2018 жылы 30 қаңтар мен 10 ақпан аралығында Словенияда астанасы Люблянада Еуропаның үздік 12 командасымен күш сынасады. Өткен кәрі құрлық бәсекесінің қола жүлдегерлері бұл жолы да жүлдеге таласуға ықыласты.