ӘЧІ-2018. Оңтүстік АмерикаЧили — Венесуэла — 3:1(Санчес, 4, Паредес, 7, 22 — Рондон, 62)Чили құрамасының шабуылшысы Алексис Санчес 4 минутта есеп ашып, ұлттық команда сапындағы голдар санын 37-ге жеткізді. Бұл көрсеткіш бойынша ол Чили құрамасы тарихындағы бас мерген Марсело Саласты қуып жетті.Дегенмен Саластың голдары «өнімдірек»: ол 37 голды 70 матчта соқса, Санчес 107 ойында сонша доп енгізіп отыр.Алексис Санчес осы ойынның 77-минутында пенальти соға алмады, қақпашы Фариньес қайтарды. Доп енсе, Санчес осы кездесуде-ақ Чили құрамасының тарихындағы бас мерген саналар еді.Чили құрамасы 14 турдан кейін 4-орында келеді. Осы сатыны сақтай алса, бұл команда 2018 жылғы әлем біріншілігіне тікелей жолдама ала алады.
