«Реал» (Мадрид) командасының бас бапкері Зинедин Зидан өзінің бапкерлік ғұмырындағы үлкен табыс алдында тұр. Ол испан примерасының 14 турындағы «Барселона» — «Реал» (1:1) матчынан кейін жеңіліссіз мачтар сериясын 33 матчқа жеткізді. 10 желтоқсан күні «Реал» 15 турда «Депортивоға» қарсы сәтті ойнаса, Зидан голландиялық Лео Беенхаккердің рекордын қайталайды. Беенхаккер 1988/1989 маусымында «Реалды» 34 мачта қатарынан жеңіліссіз жаттықтырған болатын. Король клубы сол кездесулердің 25-ін ұтып, 9-ында тең ойнаған еді.
З.Зидан «Реалдың» бас бапкері болып жыл басында, 4 қаңтар күні бекіді. Содан бері түрлі турнирлерде 49 матч өткізіп, 37 рет жеңіске жетті, 10 матчты тең аяқтады, 2 рет жеңілді.
Зидан басшылығымен «Реал» испан примерасында 2016 жылдың 27 ақпанында «Атлетикодан» ұтылды — 0:1. Ал соңғы жеңілісі — Чемпиондар лигасының 1/4 финалында «Вольсбургқа» сырт алаңда 0:2 есебімен есе жіберуі. Бұл 2016 жылдың 6 сәуірі болатын. Содан бергі 8 айға жуық уақытта король клубы қарсыластарына намысын берген емес.
Зиданның «Реалдың» бас бапкері ретіндегі көрсеткіші мынадай:
Беенхаккер рекордын жаңартқан жағдайда, Зидан үшін тағы бір биік менмұндалайды: «Барселонаның» бас бапкері Луис Энрике жеңіліс дәмін татпағалы 39 матч өтті.