Қазақстан премьер-лигасы. 18 тур
14 шілде
«Қайсар» — «Тобыл» — 2:2 (Джа Джедже, 89, Тағыберген, 90+4-пенальтиден – Нұрғалиев, 27, 68)
«Тобыл» командасының капитаны Азат Нұрғалиев бұл кездесуде қос доп соғып, биылғы маусымдағы өзінің үшінші дублін жасады. Ол биыл премьер-лигада 6 гол енгізсе, соны 3 команда қақпасына ғана соқты:
17.06.2018 жыл. 14 тур. «Атырау» — «Тобыл» — 0:2 (Нұрғалиев, 64, 85)
23.06.2018 жыл. 15 тур. «Тобыл» — «Ақтөбе» — 2:3 (Нұрғалиев, 72, 85-екеуі де пенальтиден)
14.07.2018 жыл. 18 тур. «Қайсар» — «Тобыл» — 2:2 (Нұрғалиев, 27, 68)
Бұл – Азаттың футболдағы 11-дублі. Ол алғаш рет 2008 жылдың 25 қазанында «Тобыл» құрамында Алматының «Мегаспорт» командасының қақпасына қос доп соқты (5:1).
Жалпы, «Тобыл» сапында Нұрғалиев жасаған дубльдер саны – 6 (2008 жыл – 1, 2009 жыл – 2, 2018 жыл – 3). Бұдан бөлек, «Ордабасы» құрамында – 3 (2013 – 1, 2016 -2), «Астана» сапында 2 (2016) дубль авторы атанды.
Биылғы 3 дублі оның жеке рекорды емес. 2016 жылы Нұрғалиев «Ордабасы» мен «Астана» құрамында ойнап, 4 рет бір ойында қос доптан соқты.
Азат «Ақжайық» және «Атырау» командаларының қақпасына екі реттен дубль жасады.