Қазақстан премьер-лигасы
V тур. 08 сәуір
«Шахтер» — «Қайрат» — 1:4 (Өміртаев, 81 — Исаель, 12, Гоу, 17, 19, 65)
«Қайраттың» котдивуарлық шабуылшысы Жерар Гоу өзінің Қазақстан премьер-лигасындағы төртінші хет-тригін енгізді.
Гоу Қазақстанда 2014 жылдың шілдесінен бері ойнайды. Ең қызығы, ол «Қайрат» сапында мергендігін бірден 3 голмен танытты. 2014 жылдың 5 шілдесінде алматылықтар Орталық стадионда «Ақтөбені» 7:1 есебімен жеңіп, Гоу 8, 76 және 83 минуттарда үш гол енгізді.
2015 және 2016 жылдары африкалық мерген 22 голдан соғып, Қазақстан чемпионатының бас мергені атанды. 2016 жылы ғана Жерар хет-трик жасай алмады. Оның «үштен атқан» мергендік көрсеткіші мынадай:
1. 05.07.2014 ж. «Қайрат» — «Ақтөбе» — 7:1 (8, 76, 83 минуттар)
2. 07.03.2015 ж. «Қайрат» — «Тобыл» — 1:3 (16, 25-пенальтиден, 90)
3. 06.06.2015 ж. «Оқжетпес» — «Қайрат» — 1:3 (28, 37, 65)
4. 08.04.2017 ж. «Шахтер» — «Қайрат» — 1:4 (18, 19, 66)
Бұл — Гоудың Қазақстандағы екінші жылдам хет-тригі. Ең жылдам 3 голды (37 минут) ол 2016 жылы «Оқжетпес» қақпасына енгізді.
Жалпы, Қазақстан премьер-лигасындағы толыққанды 3 жылында Жерар Гоу 4 хет-трик, 11 дубль жасады, 27 матчта бір-бір голдан соқты.