Қазақстан премьер-лигасы
ІІІ тур. 17-18 наурыз

«Астана» — «Ақжайық» — 3:1 (Кабананга, 12, Луллаку, 13, Твумаси, 62 — Рубио, 65)
«Тараз» — «Қайрат» — 0:0
«Оқжетпес» — Тобыл» — 1:0 (Хорват, 37)
«Шахтер» — «Қайсар» — 0:1 (Аржанов, 23)
«Ақтөбе» — «Ордабасы» — 0:1 (Нөсербаев, 7)
«Атырау» — «Ертіс» — 0:1 (Родриго, 88)

* Бұл турда небары 8 гол соғылды. Әзірше биылғы чемпионаттағы голға ең кедей тур. І турда — 11, ІІ турда 15 гол соғылды.

* Соғылған 8 голдың 7-і — легионерлер еншісінде. Отандық футболшылардан тек Таңат Нөсербаев қана мергендік танытты.

* 6 кездесудің төртеуі 1:0 есебімен аяқталды. Мұндай нәтиже соңғы рет 2016 жылғы маусымның 8-турында көрініс берді. Бірақ ол кезде 4 кездесуде де алаң иелері жеңіске жеткен болатын.

* «Қайсар» өз тарихында тұңғыш рет алғашқы үш турда жеңіске жетіп отыр. Бұған дейін қызылордалықтардың ең үздік нәтижесі 2000 және 2008 жылдардағы 6 ұпай еді. Осы маусымдарды «Қайсар» 2 жеңіс, 1 жеңіліспен бастады.

* Таңат Нөсербаев «Ордабасы» құрамында 7 жыл, 7 ай, 4 күннен кейінгі алғашқы голын соқты. Ол оңтүстікқазақстандықтар сапында спорттағы ғұмырын 2006 жылы бастап, 2011 жылы «Астанаға» ауысқанша түрлі турнирлерде 14 гол енгізді. Ал 2009 жылдың 14 қыркүйегінде «Қазақмыс» командасының қақпасына дубль жасады, осы голдар оның «Ордабасы» сапындағы биылғы дейінгі соңғы дәл соққылары санатында еді.

* Жуниор Кабананга «Астананың» премьер-лигадағы 400-голын соқты. «Ақжайық» қақпасына осы турда енген алғашқы ол осындай маңызға ие болды.

* «Астананың» шабуылшысы Роман Муртазаев Қазақстан премьер-лигасындағы 100-матчын өткізді. Ол 2013 жылы «Шахтер» сапында спорттағы ғұмырын бастап, 65 матчта 9 гол соқты. Өткен жылы «Ертіске» ауысып, 32 матчта 18 дәл соққы жасады. Ал биыл «Астана»құрамында чемпионаттағы 3 матчқа да қатысты.

* Ал «Тараз» — «Қайрат» кездесуінде алматылықтардың капитаны Бауыржан Исламхан Қазақстан премьер-лигасындағы 150-матчына шықты. Оның статистикасы мынадай:. «Тараз» — 50 матч, 6 гол. 2013. «Астана» — 7 матч, 1 гол. 2014-… «Қайрат» — 93 матч, 29 гол.

* Таңат Нөсербаев Қазақстан чемпионаттарындағы 60-голын соқты. Бұл көрсеткіш бойынша ол Қазақстан чемпионаттары тарихында 33-орынға көтерілді. Бұл сатыда Нөсербаев Азамат Ниязымбетов және Режепмұрат Ағабаевтармен қатар тұр.

(pflk.kz фотосы)