Қазақстан құрамасының жаңа бас бапкері Александр Бородюк алдағы 2 ойынға шақырылған футболшылар тізімін жариялады. Футболшылардың барлығы дерлік 2016 жылы Байсуфинов тұсында да құрамада болды. Бұрынғы тізімнен Елдос Ахметов пен Жасұлан Молдақараевтың жоқ екені байқалады. Ал «Қайратқа» ауысқан Георгий Жуков алдағы күндері құрамада ресми ойын өткізуі мүмкін. Маусымды нәтижелі бастап, хет-трикпен көзге түскен Алексей Щеткин де назардан тыс қалмапты. Өткен жылы да құрамаға шақырылып, бірақ алаңға шықпаған Г.Сартаков пен М.Төлебек те бас команда сапында.
Қазақстан құрамасы 22 наурыз күні Ларнака қаласында Кипр құрамасымен жолдастық кездесу өткізеді. Ал 26 наурызда 2018 жылғы әлем біріншілігіне іріктеу кезеңі аясында Ереванда Армениямен ойнайды.
Ал құраманың жаңа басқару құрамы мынадай: Александр Бородюк — бас жаттықтырушы, Виктор Лосев — аға жаттықтырушы, Николай Игумнов — физикалық дайындық жөніндегі бапкер, Юрий Новиков — қақпашылар жаттықтырушысы Евгений Шевелев — талдаушы-бапкер, Алексей Левин — доктор, Ахматхон Искандаров — доктор, Сергей Бибиков — массажшы, Александр Шапкин — массажшы, Александр Житков — менеджер, Максим Шауберт — әкімші, Николай Стриганов — видеооператор, Ербол Қайыров — медиа-офицер.
Құрамаға мына футболшылар шақырылды:
| Қақпашылар | ||||
| Аты-жөні | Команда | Дебют | Матч | Гол |
| Давид Лория | «Ертіс» | 26.05.2000 | 40 | -66 |
| Стас Покатилов | «Қайрат» | 31.03.2015 | 12 | -16 |
| Алмат Бекбаев | «Ордабасы» | 01.06.2012 | 1 | -2 |
| Қорғаушылар | ||||
| Юрий Логвиненко | «Астана» | 23.05.2008 | 40 | 4 |
| Дмитрий Шомко | «Астана» | 09.02.2011 | 28 | 2 |
| Александр Кислицын | «Ертіс» | 11.10.2008 | 24 | — |
| Сергей Малый | «Тобыл» | 05.03.2014 | 19 | — |
| Виктор Дмитренко | «Тобыл» | 11.09.2012 | 14 | 1 |
| Ғафуржан Сүйімбаев | «Қайрат» | 07.06.2014 | 13 | 1 |
| Дмитрий Мирошниченко | «Тобыл» | 12.08.2014 | 5 | — |
| Григорий Сартаков | «Тобыл» | — | — | — |
| Жартылай қорғаушылар | ||||
| Азат Нұрғалиев | «Ордабасы» | 01.04.2009 | 32 | 3 |
| Мақсат Байжанов | «Қайсар» | 29.01.2005 | 26 | 1 |
| Бауыржан Исламхан | «Қайрат» | 29.02.2012 | 24 | 2 |
| Серікжан Мұжықов | «Астана» | 10.08.2011 | 12 | — |
| Асқат Тағыберген | «Тобыл» | 07.06.2014 | 11 | — |
| Исламбек Қуат | «Қайрат» | 11.10.2016 | 9 | 2 |
| Георгий Жуков | «Қайрат» | 31.03.2015 | 2 | — |
| Еркебұлан Тұңғышбаев | «Ордабасы» | 11.11.2016 | 1 | — |
| Мардан Төлебек | «Ордабасы» | — | — | — |
| Шабуылшылар | ||||
| Сергей Хижниченко | «Шахтер» С, Беларусь | 10.06.2009 | 40 | 8 |
| Таңат Нөсербаев | «Ордабасы» | 11.10.2008 | 25 | 2 |
| Алексей Щеткин | «Тобыл» | 14.08.2013 | 18 | 1 |
| Роман Муртазаев | «Астана» | 07.06.2016 | 4 | — |