Дания — Қазақстан — 4:1

Дания — Қазақстан — 4:1

Гол соққандар: Корнелиус, 18, Эриксен, 37-пенальтиден, 90+2, Анкерсен, 79 — Сүйімбаев, 19

* Қазақстан құрамасы осы турдан кейін Е тобында соңғы орынға сырғыды.

* К.Эриксен Қазақстан құрамасы қақпасына соғылған 32 (отыз екінші) дубльдің авторы атанды.

* Дания құрамасының екінші ойыншысы Қазақстан қақпасына дубль жасап отыр. Бұған дейін 2005 жылы дәл осы «Паркен» стадионында П.Мёллер Новиков қорғаған қақпамызды екі рет дәл көздеген болатын. 

* Ғ.Сүйімбаев Қазақстан құрамасы сапындағы алғашқы голын соқты.

* Е.Ахметов Қазақстан қақпасына «пенальти шақырушы» болып тұр. ІІ турдағы Қазақстан — Польша кездесуінде де ол шабуылшы Р.Левандовскиді шалып жықты. Даниямен ойында Ахметов А.Корнелиусты айып алаңының ішінде құлатты. Екі ретте де Қазақстан қақпасына пенальти дәл енгізілді.

* Ж.Молдақараев пен Е.Тұңғышбаев ұлттық құрама сапындағы тұңғыш кездесулерін өткізді.

* Қазақстан құрамасы 1:4 есебімен үшінші рет жеңілді. Бұған дейін 2011 жылдың 7 қазанында — Бельгиядан, 2013 жылдың 26 наурызында Германиядан дәл осындай есеппен ұтылған болатын.

* Қазақстан құрамасы осымен 36 (отыз алтыншы) рет қарсыластарынан 3 доп айырмасымен жеңіліп отыр. Оның 12-сінде Азия командаларынан ойсырай ұтылса, 24-інде Еуропа мықтыларына толық тізе бүккен.

* Даниядан жеңіліс — Қазақстан құрамасының тарихындағы 90 (тоқсаныншы) сәтсіздігі. 1992 жылдан бері ұлттық командамыз 175 кездесу өткізіп, соның 42-сінде жеңді, 43 матчты тең аяқтады, 90 матчта қарсыластарына есе жіберді. Демек, жеңілістің пайыздық көрсеткіші өткізген матчдардың тең жартысынан (50%) жоғары.

* Дания құрамасы — Қазақстанды кемі 3 рет жеңген әлемнің тоғызыншы командасы. Бұл санатта Түркия (6 матч, 6 жеңіс), Германия (4, 4), Украина (4, 4), Сирия (4 = 3 жеңіс, 1 тең ойын), Польша (4 = 3, 1), Армения (5 = 3, 1, 1), Грекия (3, 3), Португалия (3, 3) бар. 

* Е тобындағы өзге матчтардың нәтижесі: Армения — Қаратау — 3:0, Румыния — Польша — 0:3. Турнир кестесі: 1. Польша — 10 ұпай. 2. Қаратау — 7 ұпай. 3. Дания — 6 ұпай. 4. Румыния — 5 ұпай. 5. Армения — 3 ұпай. 6. Қазақстан — 2 ұпай.