Гол соққандар: Кичин, 44, Мырзаев, 80
Бұл — екі құрама арасындағы сегізінші кездесу, Қырғызстан құрамасының тұңғыш жеңісі, Бішкектегі екінші кездесу. 1992 жылы қырғыз астанасындағы «Спартак» стадионында өткен ойын 1:1 есебімен тең аяқталған еді.
Қырғызстан — Қазақстанды бір матчта болсын жеңген Орта Азиядағы екінші құрама. Бұрын Өзбекстан Қазақстанды 2 рет (1994 жыл — 1:0, 1997 жыл — 4:0) тізе бүктірді.
Қазақстан құрамасы өзі өткізген 172 кездесудің 65-інде қарсыластар қақпасына гол соға алмады.
83 матчта Қазақстан құрамасы өз қақпасына 2 жəне одан да көп гол жіберіп алды.
Талғат Байсуфиновтың жетекшілігімен Қазақстан құрамасы төртінші ойынын өткізді және бірінші рет жеңілді. Бұған дейін жыл басынан бері Байсуфинов шəкірттері Əзербайжанды (1:0) жəне Қытайды (1:0) жеңіп, Грузиямен тең (1:1) ойнаған болатын.
Қырғызстанмен кездесуде Жасұлан Молдақараев Қазақстан сапындағы алғашқы матчын өткізді.
Александр Кислицын — 2 жыл, 2 ай, 23 күннен кейін, Виктор Дмитренко 1 жыл, 10 ай, 20 күннен кейін құрамаға оралды. Кислицын 2014 жылдың 7 маусымындағы Венгрия — Қазақстан (3:0) жолдастық кездесуінен кейін, ал Дмитренко 2014 жылдың 10 қазанындағы Голландия — Қазақстан (3:1) матчынан кейін құрамада ойнамаған болатын.
4 қыркүйекте Қазақстан құрамасы «Астана-Аренада» Польшамен кездеседі. Бұл 2018 жылғы əлем біріншілігіне іріктеу аясындағы алғашқы матч болмақ.