Лас-Вегас қаласында орта салмақтағы әлем чемпионы Геннадий Головкин мен Сауль «Канело» Альварес арасындағы жекпе-жек аяқталды.
Отандасымыздың 12 раунд бойы басым жұдырықтасқанына қарамай, төрешілер бұл жекпе-жек тең аяқталды деп шешті.
Төрешілер жазбасы мынадай:
1. Аделаида Бөрд — 118:110 (Альварес пайдасына)
2. Дейв Моретти — 115:113 (Головкиннің пайдасына)
3. Дон Трелла — 114:114 (тең)
Соққылар статистикасы:
Головкин — 703 (оның 218-і дәл тиген, 31%)
Альварес — 505 (169-ы дәл тиді, 33,5%).
12 раундтың 10-ында Головкин қарсыласына қарағанда көп соққы жасады. Бір раундта екеуінің соққысы тең болды, тек екінші раундта ғана Альварес соққысының саны артық болды.