Statsport.kz порталы 2016 жылғы Қазақстан премьер-лигасы маусымының қорытындысы бойынша топтама материалдар циклын бастайды. Әуелгі әңгіме — хет-триктер (бір ойында бір футболшының үш гол соғуы) жайында.
2016 жылы 3 футболшы ғана хет-трик жасай алды:
| № | Футболшы | Матч | Тур | Уақыт аралығы | Қалай? |
| 1. | Д.Савич («Жетісу») | «Тараз» — «Жетісу» — 2:3 | 16 | 39 (28, 53, 67) | Ойыннан |
| 2. | А.Гейнрих («Ордабасы») | «Ақтөбе» — «Ордабасы» — 4:4 | 23 | 38 (57, 77, 90+5 | Екеуі — пенальтиден |
| 3. | М.Мане («Тараз») | «Тараз» — «Жетісу» — 3:2 | 26 | 46 (2, 16, 48) | Біреуі — пенальтиден |
Соңғы 5 жылдың көрсеткіші бойынша биылғы хет-триктер саны – соңғы қатарларда:
1. 2015 жыл – 6 хет-трик;
2. 2012 және 2014 жылдар – 4-тен;
3. 2016 жыл – 3;
4. 2013 жыл – 0 (бұл маусымда ешбір футболшы бір матчта үштен «ата» алмапты).
Хет-триктерді жылдам енгізу көрсеткіші бойынша А.Гейнрих соңғы 5 маусымда үздік бестікке ене алмайды:
1. Н.Жұмасқалиев (2015, «Тобыл») – 26 минут («Тобыл» — «Шахтер» — 4:1; 62, 66, 87 минуттар);
2. А.Курдов (2014, «Астана») – 31 («Ертіс» — «Астана» — 3:4; 45+1, 56, 75 минуттар).
2014 жылы – 1 футболшы (П.Твумаси, «Астана»), 2015 жылы – 2 (С.Хижниченко, «Ақтөбе»; У.Калу, «Тобыл») хет-трикті 35 минут ішінде соққан.
5 жыл ішінде Қазақстан премьер-лигасында ең көп хет-трик жасаған футболшы – Ж.Гоу («Қайрат»). Ол 2014 жылы – 1 («Қайрат» — «Ақтөбе» — 7:1), 2015 жылы 2 («Оқжетпес» — «Қайрат» — 1:3, «Қайрат» — «Тобыл» — 4:0) хет-трик авторы атанды.
5 жыл ішінде футболшылары ең көп хет-трик жасаған командалар – «Астана» (А.Курдов, П.Твумаси, Ф.Кетевоама) мен «Қайрат» (Ж.Гоу). Бір қызығы, «Астананың» 3 мергені де хет-трикті 2014 жылы жасаған, яғни, сол жылы тіркелген 4 хет-триктің үшеуі – «Астана» футболшыларының еншісінде.
5 жыл ішінде 17 хет-трик жасалған. Соның ішінде 12 хет-трикті футболшылар ойын барысында соқса, 2 рет – екеуін ойыннан, біреуін айып добынан (Р.Каньяс, 2012; Ф.Кетевоама, 2014), 2 рет – біреуін пенальтиден, екеуін ойыннан (Ж.Гоу, 2015; М.Мане, 2016), 1 рет екеуін пенальтиден, біреуін ойыннан (А.Гейнрих, 2016) енгізген.
Осы 5 жыл ішінде қақпасына ең көп хет-трик енген команда – «Ақтөбе». «Пентакампеондар» қақпасын әр жылдары М.Стойчев («Ақжайық»), П.Твумаси («Астана»), Ж.Гоу («Қайрат»), А.Гейнрих («Ордабасы») сияқты мергендер 3 реттен дәл көздепті.