Чемпиондар лигасындағы «Боруссия» Д — «Легия» матчы (8:4) турнир тарихындағы ең көп гол енгізілген ойын болып тарихқа енді. Бұған дейін бір ойында 12 гол соғылған матч болған емес.
Чемпиондар лигасындағы ең нәтижелі мачтар шоғыры мынадай:
11 гол
05.11.2003 ж. Топтық турнир.» Монако» — «Депортиво» — 8:3
Бұл матчта «Монаконың» шабуылшысы Дадо Пршо 26-49 минуттар аралығында, яғни, 23 минут ішінде «Депортиво» қақпасына покер жасады (4 гол соқты).
9 гол
24.10.2000 ж. Топтық турнир. ПСЖ — «Русенборг» — 7:2
Бұл матчтың І таймында қақпаларға гол соғылып, лиганың жаңа рекорды тіркеліп еді. Кешегі «Боруссия» — «Легия» кездесуінде бұл көрсеткіш жаңарды: қос қарсылас алғашқы таймда жанкүйерлерді 7 гол соғып қуантты.
9 гол
08.03.2005 ж. 1/8 финал. «Лион» — «Вердер» — 7:2
Чемпиондар лигасы тарихында плей-офф кезеңіндегі ең нәтижелі ойын осы.
9 гол
21.10.2008 ж. Топтық турнир. «Вильярреал» — «Ольборг» — 6:3
Алғашқы таймы 2:2 есебімен аяқталған матчтың екінші таймында алаңға шыққан испан шабуылшысы Хосеба Льоренте хет-трик жасап үлгерді.