Murtazayev

30 турдағы «Қайрат» — «Астана» матчының 90 минутында Жерар Гоу елордалықтар қақпасына пенальти соға алмады.
Бұл соққысы қақпа торында туласа, Гоу 20 голмен мергендер көшінде өзгелерден оқшаулана берер еді. Бірақ осы турда оны «Ертіс» шабуылшысы Роман Муртазаев өкшелей түсті. Муртазаев «Ордабасымен» кездесудің 22 минутында пенальтиді дəл енгізді.
Қазір Гоудың еншісінде — 19, Муртазаевтың еншісінде 18 дəл соққы бар.
Премьер-лиганың шешуші кезеңі басталғанда Гоу 15 голмен көш басында тұрды. Муртазаев 12 дəл соққымен екінші сатыда тұрды. Бұдан кейінгі «атыс» мынадай сипат алды:
24 тур. Гоу — 1 (жалпы 16), Муртазаев — 0 (12) гол.
26 тур. Гоу — 1 (17), Муртазаев — 1 (13).
27 тур. Гоу — 1 (18), Муртазаев — 0 (13).
28 тур. Гоу — 0 (18), Муртазаев — 2 (15).
29 тур. Гоу — 1 (19), Муртазаев — 2 (17).
30 тур. Гоу — 0 (19), Муртазаев — 1 (18).
Шешуші кезеңде өткен сегіз турда Гоу — 4, Муртазаев 6 гол соққан.
Премьер-лиганың бас мергені атағы соңғы 2 турда шешіледі.
Гоу өткен жылы ҚПЛ бас мергені (22 гол) атанды. Ал Муртазаев «Шахтер» сапында 4 гол соқты.