Қазақстан — Румыния — 0:0
Қазақстан құрамасы Қаратаудағы сəтсіздіктен (0:5) кейін өз алаңында Румыниядан ұпай тартып алды. Тартып алды дейтін жөніміз бар. Соңғы 2 матчта отандастарымыз қарсыластар қақпасына 14 соққы жұмсағанмен, соның бір де бірі тура барған жоқ. Ал гол соқпай жеңіске жететін ойын болмайды.
Бұл кездесуде назар аударатын мынадай мəселелер мен нəтижелер болды:
* Самат Сымақов құрама сапындағы соңғы матчын өткізді. Ол 2000 жылдан бері ұлттық команда намысын 75 матчта (рекорд) қорғады.
* Қазақстан құрамасы өз тарихындағы 18-матчта 0:0 есебімен тең ойнады. Оның ішінде 7-і — ресми кездесу.
* 2008 жылғы Еуропа біріншілігіне іріктеу кезеңінің алғашқы 3 турында Қазақстан құрамасы 2 ұпай жинаған-ды. Отандастарымыз Бельгиямен (0:0) жəне Əзербайжанмен (1:1) тең ойнап, үшінші турда Польшадан ұтылды (0:1). Биыл да іріктеудің алғашқы 3 турында 2 ұпай иеленіп отыр.
* Румыниямен ойында С.Хижниченко өзінің ұлттық құрама сапындағы — 40, М.Байжанов 25-кездесуін өткізді.