«Қайрат» пен «Ордабасы» Қазақстан премьер-лигасында өзара 42 кездесу өткізіпті.
Соның 15-інде «Қайрат» жеңіске жеткен.
16 матч тең аяқталған.
11 рет «Ордабасы» алматылықтарды қапы қалдырған.
Дегенмен биылғы маусымның «Ордабасы» үшін маңызы ерекше. Шымкент футболшылары бұл маусымда «Қайраттан» 4 ойында да жеңілмеген жалғыз команда болып отыр. Биыл оңтүстікқазақстандықтар Шымкентте өткен 2 кездесуде де жеңіске жетті (1:0, 2:1), Алматыдағы 2 кездесуде де тең ойнады (2:2, 1:1).
2015 жылы бәрі «Ордабасы» үшін керісінше болған еді: «Қайрат» 2 кездесуде ұтса (2:1, 2:0), 2 рет тең нәтиже тіркелді (2:2, 0:0).
2011 және 2012 жылғы маусымдарды «Ордабасы» «Қайратқа» қарсы өте жақсы өткізді. 2011 жылы «Ордабасы» маусымдағы екі матчта да жеңіске жетті — 2:0, 3:0, ал 2012 жылы 2 матч та тең аяқталды — 1:1, 0:0.
«Қайрат» 2003 жылдан бері, яғни, шымкенттік команда «Ордабасы» атанғалы бері оңтүстікқазақстандықтарды маусымдағы барлық ойындарда жеңе алмапты.