Чемпиондар лигасы. І іріктеу кезеңі
18 шілде. Қарымта матч
«Сутьеска» — «Астана» — 0:2 (Деспотович, 38, Мұжықов, 65)
Бірінші матч – 0:1
«Астана» сырт алаңда Қаратау чемпионы «Сутьесканы» сенімді түрде ұтып, келесі кезеңге шықты.
Бұл – «Астананың» еурокубоктарда сырт алаңдағы 6 жеңісі. Осы көрсеткіш бойынша елордалықтар қазақстандық клубтар ішінде таза бірінші орынға шықты. Бұған дейін «Тобыл» мен «Астананың» көрсеткіші тең болатын (5 жеңістен).
«Астана» алтыншы рет еурокубокқа қатысып, бесінші рет алғашқы қарсыласын артқа тастады. Бұл көрсеткіш бойынша елордалықтар «Ақтөбеден» ғана артта. Бірақ «Ақтөбе» еурокубоктарда 11 рет бақ сынап, соның алтауында алғашқы кезеңнен өткен еді. Ал «Астана» 2013 жылы ғана, еурокубокқа тұңғыш қатысқан жылы «Ботевтен» (Болгария) айла асыра алмады.
«Астана» өз тарихында үшінші рет еурокубоктағы қарсыласын өз алаңында да, сырт алаңда да тізе бүктірді. Бұған дейін 2014 жылы — «Пюникті» (Армения, 4:1, 2:0), 2017 жылы «Маккаби» (Т-А, Израиль, 4:0, 1:0) екі кездесуде де қапы қалдырған еді
Д.Шомко еурокубоктарда 50-кездесуін өткізіп, бұл көрсеткіш бойынша командаласы Ю.Логвиненконы қуып жетті.
Д.Деспотович пен С.Мұжықов Қазақстан клубтары сапында еурокубоктардағы 4 және 3 доптарын соқты.
«Астана» екінші іріктеу кезеңінде Дания чемпионы «Мидтъюланн» командасымен кездеседі. Ойындар 24 және 31 шілде күндері өтеді. Бұған дейін даниялық клубтармен біздің командалар 1 рет кездесті. 2014 жылы Еуропа лигасының ІІ іріктеу кезеңінде «Эсбьерг» командасы «Қайратты» жолда қалдырған еді (1:1, 0:1).
(fcastana.kz фотосы)