Авторы — Төлеубек Қадырмолла
Астананың «Барысы» кеше Құрлықтық хоккей лигасындағы 41-ойынын сырт айдында Владивостоктың «Адмиралымен» өткізіп, 4:1 есебімен жеңіске жетті.
Бұл – «Барыстың» биылғы маусымдағы 20-жеңісі.
Соның 17-інде астаналықтар ойынның негізгі уақытында жеңіске жетсе, 3 ойында овертаймда ұтты. Осыған дейін өткізген 41 ойыннан Эдуард Занковецтің шәкірттері 59 ұпай жинап, «Шығыс» конференциясында 7-орында тұр.
«Адмиралмен» өткен ойында «Барыс» биылғы маусымдағы 100-ші шайбасын соқты. Авторы – Константин Пушкарев.
«Барыс» «жүздік» межені былтырғы маусымға қарағанда сәл кешігіп орындады. Былтыр елордалықтар 100 шайбаны 39 ойында соққан. Ал осыдан үш жыл бұрын Құрлықтық хоккей лигасындағы командалардың ішінде бірінші болып «жүздік» межені бағындырды — 26 ойын. Тағы бір айта кетерлігі, «Барыстың» шабуылшысы Дастин Бойд «Адмиралмен» өткен ойында өзінің Құрлықтың хоккей лигасындағы 100-шайбасын соқты.
2016/2017 жыл. 41 ойын – 100 шайба
2015/2016 жыл. 39 ойын – 100 шайба
2014/2015 жыл. 33 ойын – 100 шайба
2013/2014 жыл. 26 ойын – 100 шайба
2012/2013 жыл. 33 ойын – 100 шайба
2011/2012 жыл. 36 ойын – 100 шайба
2010/2011 жыл. 35 ойын – 100 шайба
2008-2009 жыл. 36 ойын – 100 шайба
2009-2010 жыл. 37 ойын – 100 шайба