Қаратау құрамасының бас бапкері Любиша Тумбакович 8 қазанда — Қазақстанмен және 11 құрама Даниямен ойнайтын футболшылар тізімін жариялады. Бұл тізімге мына футболшылар енді:
қақпашылар: Младен Божович («Зета»), Милан Миятович («Дечич»), Даниэль Петкович («МТК», Венгрия);
қорғаушылар: Марко Баша («Лилль», Франция), Стефан Савич («Атлетико», Испания), Жарко Томашевич («Остенде», Бельгия), Марко Симич («Хапоэль», Т-А, Израиль), Александар Шофранац («Риека», Хорватия), Елсад Зверотич («Сьон», Швейцария), Ристо Радунович («Будучност»), Неманья Миюшкович («Вардар», Македония), Филип Стойкович («Мюнхен-1860», Германия);
жартылай қорғаушылар: Адам Марушич («Остенде», Бельгия), Неманья Николич («Хапоэль», Т-А, Израиль), Никола Вукчевич, Марко Бакич (екеуі де — «Брага», Португалия), Александар Шчекич («Генчлербірлігі», Турция), Марко Вешович („Риека», Хорватия), Владимир Болевич (АЕК, Кипр), Владимир Родич («Қарабүкспор», Турция), Дамир Кояшевич («Вардар», Македония»), Владимир Йовович («Напредак», Сербия), Марко Янкович, Небойша Косович (екеуі де — «Партизан», Сербия);
шабуылшылар: Стефан Йоветич («Интер», Италия), Фатос Бечирай («Динамо» М, Ресей), Стефан Мугоша («Мюнхен-1860», Германия), Филип Раичевич («Виченца», Италия), Лука Джорджевич («Зенит», Ресей), Мирко Вучинич («Әл-Жазира», БАӘ).
Қаратау құрамасы 2018 жылғы әлем біріншілігіне іріктеу кезеңін сырт алаңда Румыния құрамасымен бастап, 1:1 есебімен тең ойнады. Голдар соңғы 5 минутта соғылды: алаң иелерінің шабуылшысы Адриан Попа 85 есеп ашқан соң, Стефан Йоветич араға 2 минут салып есепті теңестірді. Румындар 90+7 минутта жеңісті жұлып әкететін мүмкіндікті пайдаға жарата алмады. Николае Станчу пенальтиді сыртқа тепті.
Ал Қазақстан мен Қаратау бұған дейін бір рет кездесті. 2008 жылдың 27 мамырында Подгорица қаласында өткен жолдастық кездесуде қаратаулықтар қарымтасыз 3 гол соғып, жеңіске жетті. Бұл Қазақстан құрамасы тарихындағы 110-матч болатын.
№110. Қаратау — Қазақстан — 3:0 
Голдар: Далович, 15, 45+2, Дринчич, 21
Қаратау: М.Божович (Янушевич, 67), Павичевич, Танасьевич (Огнянович, 70), Йованович (Пурович, 74), Пейович, Дринчич, Бошкович (к) (Пекович, 46), В.Божович (Цверотич, 60), Вукчевич, Богавац, Далович (Вучинич, 77). Бас бапкер — Зоран Филипович
Қазақстан: Лория, Е.Азовский, Кучма, Жалмағамбетов, Ырысметов, Скорых (Карпович, 76), Әшірбеков (Сымақов, 33), Балтиев, Остапенко (Сүйеумағамбетов, 74), Жұмасқалиев (к), Көкеев (Хохлов, 62). Бас бапкер — Арно Пайперс
Ескерту: Танасьевич, Вукчевич — Жұмасқалиев, Жалмағамбетов
27.05.2008 жыл. Подгорица, Gradski stadion. 9 000 жанкүйер. Төреші -Аби Тусен (Люксембург)
Осы құрамнан 8 қазандағы матчқа М.Божович, Вучинич, Вукчевич (Қаратау), Сымақов (Қазақстан) қатысуы мүмкін.
Қазақстан құрамасы бұл іріктеу кезеңіндегі алғашқы матчында Астанада Польша құрамасымен тең ойнады — 2:2.