Чемпиондар лигасына іріктеудің плей-офф кезеңінің жеребесі тартылды. «Астана» Шотландия чемпионы «Селтикпен» кездеседі. Алғашқы ойын 16 тамызда — Глазгода, қарымта кездесу 22 тамызда Астанада өтеді.
«Селтик» еурокубоктарда Қазақстан клубтарымен 3 рет кездесетін үшінші команда болып тұр.
1. «Олимпи» (Рустави, Грузия). 2007 ж. — «Астана-1964» (0:0, 0:3), 2010 ж. — «Ақтөбе» (0:2, 1:1), 2011 ж. — «Ертіс» (1:1, 2:0). «Олимпи» 3 рет келіп, екі рет қазақстандықтарға жол берді, бір рет келесі кезеңге шықты.
2. «Црвена Звезда» (Белград, Сербия). 2002 ж. — «Қайрат» (2:0, 3:0), 2015 ж. — «Қайрат» (0:2, 1:2), 2017 ж. — «Ертіс» (1:1. 2:0).
«Селтик» 2013 жылы Чемпиондар лигасына іріктеудің плей-офф кезеңінде «Шахтерді» қапы қалдырды:
20.08.2013 ж. «Шахтер» — «Селтик» — 2:0 (Финонченко, 12, Хижниченко, 77)
28.08.2013 ж. «Селтик» — «Шахтер» — 3:0 (Коммонс, 45+1, Самарас, 48, Д.Форрест, 90+2)
Өткен жылы «Селтик» «Астанамен» Чемпиондар лигасының ІІІ іріктеу кезеңінде жолықты:
27.07.2016 ж. «Астана» — «Селтик» — 1:1 (Логвиненко, 19 — Гриффитс, 78)
03.08.2016 ж. «Селтик» — «Астана» — 2:1 (Гриффитс, 45+2-пенальтиден, М.Дембеле, 90+2-пенальтиден — Ибраими, 62)
Байқағандарыңыздай, «Селтик» екі ретте де біздің командалардан бақ асырған. «Шахтерді» де, «Астананы» да қарымта кездесудің соңғы минуттарында соққан гол есебінен жерге қаратты.
Биыл «Астана» алғашқы кездесуін сырт алаңда өткізеді. Демек, «Селтикпен» арадағы сәтсіздікке түзету енгізуге мүмкіндік бар.
Қазақстан клубтарының еурокубоктарда кельттерді қапы қалдырған сәті жоқ емес. 2015 жылы Еуропа лигасының ІІІ іріктеу кезеңінде «Қайрат» «Абердинді» 2:1 және 1:1 есебімен жеңді:
30.07.2015 ж. «Қайрат» — «Абердин» — 2:1 (Бақаев, 13, Исламхан, 22 — Маклин, 69)
06.08.2015 ж. «Абердин» — «Қайрат» — 1:1 (Маклин, 84 — Гоу, 59)