«Қайрат» Еуропа лигасының ІІ іріктеу кезеңінде Албанияның «Скендербеу» командасымен кездесетін болды. Алғашқы кездесу 13 шілде күні Алматының Орталық стадионында өтеді.
«Скендербеу» І іріктеу кезеңінде Андорраның «Сант-Хулиа» командасын 6:0 (1:0, 5:0) есебімен еркін жеңді.
Бұл команда бізге бейтаныс емес. 2013 жылы Еуропа лигасының ІІІ іріктеу кезеңінде Қарағандының «Шахтерімен» кездесіп, жеңіс алмасты. Доп айырмасының тәуірлігінен «Шахтер» плей-офф кезеңіне өтті.
30.07.2013 ж. «Шахтер» — «Скендербеу» — 3:0 (Джидич, 8, Муртазаев, 79, Хижниченко, 90)
06.08.2013 ж. «Скендербеу» — «Шахтер» — 3:2 (Томич, 9, Шкемби, 20, 29 — екеуі де пенальтиден — Хижниченко, 38, Байжанов, 67)
«Қайрат» еурокубоктарда Албания клубымен 2 рет кездесті. 2014 жылы Еуропа лигасының І іріктеу кезеңінде «Қайрат» «Кукеси» командасын 1:0 есебімен жолда қалдырды:
03.07.2014 ж. «Қайрат» — «Кукеси» — 1:0 (Дарабаев, 89)
10.07.2014 ж. «Кукеси» — «Қайрат» — 0:0
Ал өткен жылы Еуропа лигасының І іріктеу кезеңінде «Теута» (Дуррес) командасы «Қайраттан» ойсырай ұтылды:
30.06.2016 ж. «Теута» — «»Қайрат» — 0:1 (Аршавин, 70)
07.07.2016 ж. «Қайрат» — «Теута» — 5:0 (Гоу, 27, 61, М.Бақаев, 45+2, Тавамба, 72, Тұрысбек, 79)
Әзірше Қазақстан мен Албания клубтарының арасындағы текетірес 3:0 есебімен біздің басымдығымызды айшықтап тұр. «Қайрат» алдағы кездесулерде бұл есепті ұлғайта ала ма?
Бәрін жасыл алаң шешеді.