Еуропа лигасы. ІІ іріктеу кезеңі
Алғашқы кездесу
«Қайрат» — «Скендербеу» (Корча, Албания) — 1:1 (Гоу, 9 — Нимага, 72)
«Қайраттың» котдивуарлық шабуылшысы Жерар Гоу бұл матчта есеп ашып, Қазақстан клубтарының еурокубоктардағы рекордын жаңартты. Ол қатарынан 4 ойында гол соқты.
1. 21.07.2016 ж. «Маккаби» (Тель-Авив, Израиль) — «Қайрат» — 2:1 (Гоу, 64)
2. 29.06.2017 ж. «Қайрат» — «Атлантас» (Литва) — 6:0 (Гоу, 21, 50-пенальтиден)
3. 06.07.2017 ж. «Атлантас» — «Қайрат» — 1:2 (Гоу, 39)
4. 13.07.2017 ж. «Қайрат» — «Скендербеу» — 1:1 (Гоу, 9)
Мұндай жетістікке 2002 жылдан бері қазақстандық клубтың ешбір ойыншысы жетіп көрген емес.
Қызығы сол, Гоу өзінің 2015 жылғы рекордын жаңартты. Сол жылы Еуропа лигасының іріктеу кезеңінде ол «Алашкертпен» (Армения) 2 кездесуде және «Абердинмен» (Шотландия) сырт алаңдағы матчта гол соғып, қатарынан 3 ойында мергендік танытқан болатын.
Сондай-ақ, Гоудың 4 кездесуде үздіксіз 5 гол соғуы да — рекорд. Бұған дейін 2010 жылы М.Тілешев «Хапоэль» (Т-А, Израиль) және АЗ «Голландия) командаларына қарсы 2 ойында 3 гол соққан еді.
Ж.Гоу биыл еурокубок ойындарында 4 гол енгізіп, Қазақстан командаларының еурокубоктардағы сұрмергені атанды. Ол бұған дейін көш бастаған С.Сымақовтан («Қайрат»/»Ақтөбе») қазірдің өзінде 3 дәл соққымен алға озып кетті. Сымақовта — 8, Гоуда 11 гол бар.