Бокстан әлем чемпионаты
Гамбург (Германия)
Финал
56 келі. Қайрат Ералиев (Қазақстан) — Дук Раган (АҚШ) — 3:2
Қайрат Ералиев өз спорттық ғұмырындағы ең үлкен табысқа жетті. Ол бұған дейін Қазақстан чемпионаттарында 2 рет топ жарғанмен (2012, 2016), халықаралық ірі жарыстардың бәрінде қола жүлде алып жүрген-ді.
Азия чемпионаты — 2 қола (2015, 2017)
Әлем чемпионаты — 1 қола (2013)
Азия ойындары — 1 қола (2014)
Қайратқа енді олимпиялық ойындардың жүлдесі ғана жетпей тұр.
Гамбург шаршы алаңындағы Қ.Ералиевтің жеңісті жолы мынадай:
Бірінші кезең. Кристофер Флорес (Мексика) — 5:0
Екінші кезең. Мұратжан Ахметәлиев (Өзбекстан) — 4:1
Ширек финал. Омар әл-Хаг (Германия) — 5:0
Жартылай финал. Петер МакГрейл (Англия) — 5:0
Финал. Дук Раган (АҚШ) — 3:2
Гамбург додасында Қ.Ералиев өзінің ежелгі қарсыласы М.Ахметәлиевті екінші айналымда жеңді. Бұған дейін Ахметәлиев Қайратты 2015 жылғы әлем чемпионатының және 2016 жылғы Рио олимпиадасының 1/8 финалдарында аяқтан шалған болатын.