Василий Левит (91 келі) Рио олимпиадасының 1/8 финалында қытай боксшысы Фенкай Юйды еркін ұтып, ширек финалға шықты. Отандасымыз жекпе-жекті өте сенімді бастап, ІІ раундтың соңында нокдаунға жіберді. Қытай бапкерлері ортаға ақ орамал тастап, шәкірттерінің жеңілісін мойындады.
Левит — Қазақстан атынан 91 келі салмақ дәрежесінде олимпиадада сынға түскен алғашқы боксшы. Бұған дейінгі 5 олимпиадада ауыр салмақта ешкім іріктеуден өте алмаған болатын.
Ширек финалда Василий Кеннеди Сен-Пьермен (Маврикий) жұдырықтасады. Сен-Пьер 1/8 финалда Шуаиб Булудинатты (Алжир) 2:1 есебімен ұтты.