Гамбург (Германия)
Бокстан әлем чемпионаты
Төртінші жарыс күні (28 тамыз)

69 келі. 1/8 финал. Абылайхан Жүсіпов — Винченцо Манжиакапре (Италия) — 4:0 (28:28, 29:28, 29:28, 29:28, 29:28). Жекпе-жек ІІІ раундтың 1:45 минутында Жүсіповтың қабағы жырылуына байланысты тоқтатылып, жеңіс Манжиакапреге берілді. Бірақ АИБА-ның өз ережесіне сүйенген біздің тарап ұарсылық білдірді. Төрешілер комитеті жекпе-жекті қайта қараған соң, жеңісті Жүсіповке берді. Өйткені жарақат алған кезде біздің боксшы есеп бойынша алда келе жатқан болатын.
Ширек финалда А.Жүсіпов венесуэлалық Габриэль Маэстре Переспен бүгін кездеседі.
Өзге жұптар мынадай: Шахрам Ғиясов (Өзбекстан) — Пет Маккормак (Англия), Биамбин Тувшинбат (Моңғолия) — Абас Барау (Германия), Куинтон Рендалл (АҚШ) — Рониел Иглесиас (Куба).

81 келі. 1/8 финал. Ерік Әлжанов — Клей Уотерман (Австралия) — 5:0 (30:27, 30:27, 30:27, 30:27, 30:27)
Әлжанов бүгін ширек финалда өзбек Бектемір Меликузиевпен кездеседі.
Өзге жұптар: Михаил Доголявец (Беларусь) — Джо Уорд (Ирландия), Хулио Сезар ла Крус (Куба) — Ибрагим Базуев (Германия), Шабас Нығматуллаев (Тәжікстан) — Карлос Андрес Мина (Эквадор)

+91 келі. 1/8 финал. Қамшыбек Қоңқабаев — Макс Келлер (Германия) — 5:0 (30:25, 30:25, 30:26, 30:25, 30:25)
Қамшыбектің ендігі қарсыласы — Бахадүр Жалалов (Өзбекстан).
Өзге жұптар: Фрку Арсене (Камерун) — Карлос Салседо (Колумбия), Джозеф Гудал (Австралия) — Максим Бабанин (Ресей), Жамили-Дини Абуду (Франция) — Мұхаммедрасул Мәжитов (Әзербайжан)

Мырзағали Айтжанов, Қазақстан құрамасының бас бапкері:
— Жүсіповке осы салмақ дәрежесіндегі ең мықты боксшылардың бірі, 2012 жылғы Лондон олимпиадасының қола жүлдегері Манжиакапре тап келді. Бұрын ол біздің Данияр Елеусіновпен кездескен, сондықтан мүмкіндігін жақсы білдік. Абылайхан жекпе-жекке жақсы дайындалды, бапкерлер нұсқауын толық орындап, қарсыласынан анағұрлым басым болды. Манжиакапре ұдайы шегінуден басқа түк істей алған жоқ. Жылдымдықтан да, шеберліктен де біздің боксшы қарсыласынан бір бас жоғары екені көзге ұрып тұрды. Ал жекпе-жекті тоқтатып, италиялыққа жеңісті беру күтпеген шешім болса да, біздің еңсеміз түсе қойған жоқ. Біз апелляцияға бердік, төрешінің өз шешімін түсіндіруін өтіндік. Америкалық төреші бізге еш уайымдаудың қажеті жоғын, жекпе-жекті қайталап көріп, дұрыс шешім шығаратындарын бірден айтты. Сөйтіп, олар заңды жеңісімізді қайтарып берді.
Ерік Әлжанов пен Қамшыбек Қоңқабаев өз кездесулерін жақсы өткізді. Дегенмен біздің бірқатар боксшы әлем чемпионатында тұңғшы рет өнер көрсетіп жатқанын ұмытпайық. Әрине, азды-кем қателіктер болады, оны түзету үшін барымызды саламыз. Біз жігіттердің бәріне сенеміз. Олар сенімізді сөзсіз ақтайды.

Данияр Майлыбаевтың фотосы