Франция құрамасының жартылай қорғаушысы Поль Погба ақыры «Ювентустан» «Манчестер Юнайтедке» ауысып тынды. Трансфер құны — 105 млн еуро. Бұл ақшаны ағылшындар италиялық клубқа 2 жыл ішінде төлеп бітеді. Сондай-ақ, болуы мүмкін бонустар көлемі — 5 млн еуро. Екі суперклуб Погбаның жеке агенті Мини Райолаға 20 млн еуроны бөліп төлейді.
Сонымен, 23 жастағы Погба әлемдегі ең қымбат ойыншы атанып шыға келді.
Ең қымбат футболшылар ондығы мынадай:
Аса қымбат ойыншылар ішінде өз құнын ақтамады деп тек Анхель ди Марияны айтсақ болады. «Манчестер Юнайтед» сапында ол небары 27 ойынға қатысып, 3 гол ғана соқты, біраз уақыт жарақатын медеді. Келесі жазда ол «Пари-Сен-Жермен» командасына 63 млн еуроға сатылды.
Жаңа командаға ауысып, бағы жанғандар санатында З.Зидан, Г.Бейл, Л. Суарес сияқты мықтылар бар. Бұл үшеуі де бұрынғы командаларының сапында Чемпиондар лигасының жеңімпазы атана алмаса, жаңа командада осы атаққа қол жеткізді.