Рио олимпиадасында бокстан алғашқы чемпион анықталды. 49 келі салмақ дәрежесінде Хасанбай Досматов (Өзбекстан) Юберхен Мартинес Ривасты (Колумбия) 3:0 есебімен ұтып, Өзбекстан құрамасына Рионың алғашқы алтынын әкелді.
Бұл салмақта қола медальдарды Хоанис Архилагос (Куба) және Нико Эрнандес (АҚШ) ұтып алған болатын.
Х.Досматов Рио рингінде Хоселито Веласкесті (Мексика, 3:0), Біржан Жақыповты (Қазақстан, 3:0), Нико Эрнандесті (3:0) жеңіп, финалға жолдама алған болатын.
Хасанбай — өзбек боксшылары арасынан шыққан екінші олимпиада чемпионы. Алғашқы алтынды 2000 жылғы Сидней олимпиадасында 63,5 келі салмақта Мұхамедқадыр Абдуллаев жеңіп алған болатын. Хасанбай 1993 жылдың 24 маусымында Әндіжан қаласында туған. Қазан универсиадасының чемпионы, Азия чемпионы.