Испан теннисшісі Рафаэль Надаль Рио олимпиададасының ширек финалында Томас Белуччиді 2:6, 6:4, 6:2 есептерімен ұтып, жартылай финалға жолдама алды.
Бұл жеңістің Надаль үшін маңызы зор. Ол өзінің спорттық ғұмырындағы 800-жеңісіне қол жеткізді. Ол АТР тарихында 800 жеңіс иеленген 8-теннисші болып тіркелді. Оған дейінгі үздіктер мыналар: Стефан Эдберг (Швеция, 801 жеңіс), Андре Агасси (АҚШ, 870), Джон Макинрой (АҚШ, 877), Гильермо Вилас (Аргентина, 929), Иван Лендл (Чехословакия, АҚШ, 1068), Роджер Федерер (Швейцария, 1080), Джимми Коннорс (АҚШ, 1256).
Надаль – «Үлкен дулыға» турнирлерінің 14 дүркін жеңімпазы, Дэвис кубогының 4 дүркін иегері, Бейжің олимпиадасының чемпионы. Рио де Жанейрода Надаль отандасы Марк Лопеспен бірге жұптасып өнер көрсетуде алтын медаль жеңіп алды.