Қазақстан премьер-лигасы
16 тур. 18 маусым
«Тараз» — «Ертіс» — 2:0 (Зайнутдинов, 13, Сейдахмет, 24)
Тараз футбол мектебінің өкілі Еркебұлан Сейдахмет өткен турда Қазақстан премьер-лигасындағы алғашқы голын соқты. Ойынның 24 минутында ол әріптесі Неманья Миюшкович айып алаңынан баспен шығармен допты бір қимылмен алдына түсіріп, «Ертіс» қорғаугысын сан соқтырып кете барды. Қақпашы Лориямен бетпе-бет шыққан соң, Сейдахмет сол жақ бұрышқа тебетіндей ыңғай көрсетіп, оң жақты дәл көздеді. Тәжірибелі Лория бойын жиып үлгермей қалды.
Еркебұлан Сейдахмет Қазақстан премьер-лигасындағы алғашқы голын тоғызыншы кездесуде енгізді. Ол 3 рет негізгі құрамда шығып, 6 рет матч барысында командаласын алмастырды. Ешбір матчты бастан-аяқ өткізген жоқ. Алғашқы добын соғуға 277 минутын сарп етті (таза 3 матч және 7 минут).
Сейдахметтен басқа тағы 5 футболшы биыл Қазақстан премьер-лигасындағы алғашқы доптарын енгізді:
1. Александр Марочкин («Оқжетпес»). 14.07.1990 ж.т. Алғашқы голы — 12.04.2017 ж. 6 тур. «Ақжайық» — «Оқжетпес» — 1:1 (18 минут, 0:1)
2. Ринат Хайруллин («Шахтер»). 19.02.1994 ж.т. Алғашқы голы — 12.04.2017 ж. 6 тур. «Атырау» — «Шахтер» — 3:3 (30 минут, 1:2)
3. Оралхан Өміртаев («Шахтер»). 16.07.1998 ж.т. Алғашқы голы — 12.04.2017 ж. 6 тур. «Атырау» — «Шахтер» — 3:3 (90+1 минут, 3:3)
4. Бақтияр Зайнутдинов («Тараз). 02.04.1998 ж.т. Алғашқы голы — 29.04.2017 ж. 9 тур. «Тараз» — «Атырау» — 1:2 (72 минут, 1:1)
5. Темірлан Ерланов («Ордабасы»). 09.07.1993 ж.т. Алғашқы голы — 06.05.2017 ж. 11 тур. «Ордабасы» — «Ақжайық» — 3:0 (50 минут, 2:0)
Е.Сейдахмет — Қазақстан премьер-лигасы тарихында 2000 жылдан кейін туғандар арасында гол соққан тұңғыш футболшы. 2016 жылы М.Жақыпбаев («Астана», 21.03.2000 ж) премьер-лигада 2 ойынға қатысып, 2000 жылдан кейін туғандар көшін бастаған еді.